POP 5

Lajmet më të lexuara të 5 minutave të fundit

Kronikë

Gjakmarrja, e vrasin në sy të
familjes, sa u kthye nga Greqia

Gëzimi i familjes Guri për ardhjen e djalit para pak ditësh nga Greqia, është ndërprerë në mes, në fshatin Bardhaj të Shkodrës. Ndërsa po rrinin në dhomën e ndjenjës, pjesëtarët e kësaj familjeje janë qëlluar me pistoletë nga jashtë dritares së banesës, ku ka vdekur, Gjin Guri 22 vjeç dhe plagosur vëllai i tij Xhevahir Guri, 24 vjeç. (Në foto, policia mbledh provat)
SHKODER – Gëzimi i familjes Guri për ardhjen e djalit emigrant vetëm para pak ditësh nga Greqia, është ndërprerë nga fenomeni i gjakmarrjes, ende prezent në zona të thella të vendit, siç është edhe ngjarja e mbrëmjes së djeshme në fshatin Bardhaj të Shkodrës.

Burime zyrtare nga Drejtoria e Policisë së këtij qarku, bëjnë me dije se rreth orës 20:15, janë dëgjuar krisma armësh, të cilat janë shoqëruar me britmat e familjarëve të familjes Guri. Ndërsa po rrinin në dhomën e ndjenjës, pjesëtarët e kësaj familjeje janë qëlluar me pistoletë nga jashtë dritares së banesës.

Për pasojë ka gjetur vdegjin gurikjen e menjëhershme, Gjin Guri 22 vjeç, (ne foto) ndërsa nga të shtënat e armës ka mbetur i plagosur edhe vëllai i tij Xhevahir Guri, 24 vjeç. Ky i fundit është dërguar urgjentisht në spitalin e Shkodrës, ku i është nënshtruar një ndërhyrjeje kirurgjikale. Mjekët sqarojnë se gjendja e 24-vjeçarit është kritike dhe se duhet që të kalojnë 24 orë për të dhënë garanci për jetën e tij.

Blutë e zonës pak orë pas krimit kanë arrestuar në flagrancë autorin Lazer Zef Lisi, 21 vjeç, banues në fshatin Bardhaj, i cili mësohet se është fqinj i viktimës.

Sipas hetuesve të çështjes, ngjarja dyshohet të ketë ndodhur për gjakmarrje, dhe se ajo duke e lidhur me një vrasje e kryer në vitin 2008. Mësohet se katër vite më parë, xhaxhai i dy vëllezërve, Pëllumb Guri ka vrarë me thikë vëllain e autorit të krimit, Lazer Lisi, i cili është vënë në prangat e policisë rreth një orë pas ngjarjes së rëndë.

Viktima, Gjin Mark Guri, 22 vjeç, ishte emigrant në Greqi dhe ishte kthyer në vendlindje vetëm pak ditë më parë, por mbrëmjen e djeshme është qëlluar për vdekje në dhomën e ndenjës. Sipas ekspertëve autori i krimit kishte planifikuar shumë mirë gjithçka, dhe ka ndjekur lëvizjet e viktimës dhe të vëllait të tij.

(Lajmi u publikua mbrëmjen e djeshme. Përditësimi i fundit sot në orën 12:32)

(im/Gre.M/shqiptarja.com)

/Shqiptarja.com
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Vdekja e 12-vjeçarit te Pediatria, reagon QSUT: Humbi jetë nga miokardi akut

Vdekja e 12-vjeçarit te Pediatria, reagon QSUT: Humbi jetë nga miokardi akut

8 Janar, 16:40