Gjebrea në Komitetin e Sigurisë së
OSBE: Progres kundër terrorizmit

Zv/ministrja e Punëve të Brendshme Elona Gjebrea ripohon progresin e arritur nga institucionet dhe agjencitë ligjzbatuese shqiptare në luftën kundër terrorizmit dhe ekstremizmit të dhunshëm, duke thekuar pёrpjekjet në plotësimin e angazhimeve dhe detyrimeve nё kuadrin e konventave ndёrkombёtare dhe dokumentave tё tjerё tё OKB-sё, KE-së, OSBE-sё.
 
Zëvendësmministrja e Punëve të Brendshme, Elona Gjebrea-Hoxha, mori pjesё nё takimin e Komitetit tё Sigurisë tё OSBE-sё nё Vjenё, ku informoi 57 shtetet pjesëmarrëse tё OSBE-sё pёr progresin dhe hapat e bёra nga Qeveria shqiptare nё luftёn kundёr terrorizmit dhe ekstremizmit të dhunshëm dhe zbatimin e deklaratës 5/14 të Ministerialit të Bazelit, në kontekstin e zbatimit të rezolutave të Këshillit të Sigurimit të OKB-së.

Ajo vuri në dukje hapat e ndёrmarra nё forcimin e partneritetit me shoqërinë civile dhe komunitetet fetare, si dhe strategjinё kombёtare dhe planin e aksionit pёr luftёn kundёr terrorizmit dhe pёrmirёsimin e bazёs ligjore, forcimin dhe intensifikimin e bashkёpunimit ndёrkombёtar.

Zv/ministrja e Brendshme informoi gjithashtu Komitetin, mbi zhvillimin me sukses në Tiranë të Samitit rajonal kundër ekstremizmit të dhundshëm (19-21 maj 2015) dhe përpjekjet e Qeverisë shqiptare për të forcuar koordinimin rajonal, si dhe për të parandaluar dhe luftuar këtë fenomen.

Shtetet pjesёmarrёse tё OSBE-sё dhe nё mёnyrё tё veçantё BE dhe SHBA nё ndёrhyrjet e tyre, vlerёsuan kontributin e Shqipërisë në luftën kundër ekstremizmit të dhunshëm dhe organizimin e Samitit Rajonal dhe ofruan mbёshtetje e bashkёpunim nё luftёn kundёr terrorizmit.
 
 
 Redaksia Online
 (al.h/shqiptarja.com)

TAG:
• OSBE