POP 5

Lajmet më të lexuara të 5 minutave të fundit

Kronikë

Gjendja civile e bëri me 2 baballarë,
ja si u korrigjua rasti i Selvijes

Në më pak se tre muaj 280 qytetarë kanë gjetur zgjidhje të problemeve të tyre pranë kilinikës ligjore falas të ministrisë së drejtësisë. Report TV sjell historinë e Selvije Xhokut nga Lushnja, e cila edhe pse u lind dhe u rrit me një baba, kur shkoi për të marrë certifikatë në gjëndjen civile rezultonte me dy baballarë. Ky rast është trajtuar nga kjo klinikë dhe tashmë gjëndja civile ka korigjuar gabimet. VIDEO
Në më pak se tre muaj 280 qytetarë kanë gjetur zgjidhje të problemeve të tyre pranë kilinikës ligjore falas të ministrisë së drejtësisë. Report TV sjell historinë e Selvije Xhokut nga Lushnja, e cila edhe pse u lind dhe u rrit me një baba, kur shkoi për të marrë certifikatë në gjëndjen civile rezultonte me dy baballarë. Ky rast është trajtuar nga kjo klinikë dhe tashmë gjëndja civile ka korigjuar gabimet. Selvije Xhoku tha se : "Më duhej një certifikate dhe kam shkuar te drejtoria e përgjithshme, afër bashkisë, dhe aty rezultoi që unë kisha dy baballarë, në një kohë që unë kam vetëm një baba biologjik.Tek drejtoria më thanë se edhe ne nuk e dimë si të veprosh por duhet të vish me certifikata nëpër duar".

Report Tv është ndalur pranë kësaj klinike, ndërsa Selvija shprehet se pasi trokiti në zyrën pranë ministrisë së Drejtësisë arriti të gjejë një zgjidhje.

Andia Dragoj këshilltare pranë ministrisë së drejtësisë shpjegoi se kjo zyrë është e hapur për ti ofruar ndihmë dhe shqërbim të gjithë qytetarëve pa paguar asnjë kosto.Dragoj u shpreh se: "Një nga qëllimet kryesore të kësaj zyre është aksesi i qytetarëve pranë ministrisë së Drejtësisë, akses për qytetarët në sistemin e drejtësisë të çdo lloj moshe, niveli ekonomik apo që janë në pamundësi. Zyra jonë nuk ka asnjë kusht, secili qytetar që ka një problem që lidhet me administratën shtetërore apo gjykatën mund ti drejtohet kësaj zyre. Zyra jonë është e  përbërë nga tre avokatë dhe dy dhe juristë"

Aldo Abazi specialist në këtë zyrë shpjegon se qytetarët në këtë zyrë gjejnë zgjidhje duke kursyer nga 15-40 mijë lekë nëse do të merrnin shërbim tek zyrat private. Gjithashtu ai pohoi se: "Rastet janë të ndryshme,që nga pensionet që qytetarët duhet të rezaurojnë në rrugët administrative brenda institucionit të sigurimeve, deri tek kërkesat drejtuar gjykatave apo rasteve të tjera të ndihmës dytesore, si ajo e përfitimit të një avokati falas, siç është rasti i zonjës, që arriti të merrte një zgjidhje përfundimtare".

Prej dhjetorit 2017 deri në fund të shkurt 2018 pranë klinikës ligjore falas tek ministria e drejtësisë janë paraqitur mbi 320 persona për të kërkuar ndihme dhe konsulencë juridike, ku 280 prej tyre kanë marrë shërbimin dhe kanë zgjidhur problemet që lidhjen me administratën shtetërore.

s.k/Shqiptarja.com

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52