Gjenerali amerikan anulon vizitën në Kosovë, këshilltari i Thaçit: Shkak taksa me Serbinë

Gjenerali amerikan anulon vizitën në Kosovë, këshilltari i Thaçit: Shkak taksa me Serbinë

Kryeministri Haradinaj gjatë një takimi me gjeneralin amerikan Timothy Orr

Zyrtarë të ambasadës amerikane në Prishtinë kanë njoftuar komandantin e FSK-së, gjeneralin Rrahman Rama, se vizita e komandantit të Gardës Kombëtare të Iowas, gjenerali majori Timothy Orr, e planifikuar të realizohet më 16-18 shkurt, në 11-vjetorin e shpalljes së pavarësisë së Kosovës - është anuluar. Këshilltari i Presidentit Thaçi, Ardian Arifaj, ka thënë se njoftimin për anulimin e vizitës së gjeneralit Orr e kanë marrë nga Komandanti i FSK-së, Rrahman Rama, i cili i ka sqaruar në letrën njoftuese se anulimi i vizitës së zyrtarit amerikan ka ardhur për shkak të mosvazhdimit të dialogut mes Kosovës dhe Serbisë.

Zyrtarët të FSK-së dhe as të Ministrisë së Mbrojtjes kanë refuzuar të flasin për këtë temë. Zyrtarët të Ministrisë së Mbrojtjes kanë thënë se Rrahman Rama e ka njoftuar edhe Ministrin Rrustem Berisha dhe Kryeministrin Ramush Haradinaj për anulimin e vizitës. Zyrtarët amerikanë kanë ndëshkuar Ramush Haradinajt me mosdhënie të vizës amerikane për shkak të mos heqjes së taksës ndaj produkteve serbe e boshnjake.

Ramush Haradinaj kishte vendosur taksën ndaj produkteve të Serbisë kur Lista Srpska ishta larguar nga Qeveria e Parlamenti për shkak të transformimit të FSK-së në ushtri. Kryeministri ka thënë se heqja e taksë do të ndodhë kur Serbia do ta njohë Kosovën. Kryetari i Kuvendit, Kadri Veseli, ka kërkuar pezullimin e taksës për t’i dhënë hapësirë dialogut me Serbinë. Po ashtu, Presidenti ka kërkuar të hiqet taksa dhe të vazhdohet dialogu me Serbinë. Marrëveshja finale ndërmjet Kosovës dhe Serbisë pritet të nënshkruhet deri në qershor në Shtëpinë e Bardhë. Presidenti i Kosovës, Hashim Thaçi ka përmendur mundësinë e ndyrshimit dhe korrigjimit të kufijve si pjesë e marrëveshjes finale me Serbinë./koha.net/

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin