Me një sërë postesh drejtuese dhe angazhim të gjatë politik, vendimi i Gramoz Ruçit për t'u shkëputu përfundimisht nga politika, ishte një surprizë. Përse u dorëhoq Gramoz Ruci dhe a përbën dorëheqja e tij një standard të ri në politik? Çfarë mendojnë analistët për dy politikanë me përvojë të njëjtë, ku njëri tërhiqet e tjetri kërkon rikthim?
"Të japësh dorëheqejen sidomos kur je fitues, tregon se ti e di kohën tënde politike, e kjo është për tu përshëndetur. Në Shqipëri politikanët nuk e njohin kohën e tyre politike. Ruçi e ka arritur ciklin e tij politikë. Dorëheqja e tij krijon standard që u mundua ta vendoste Nano kur humbi zgjedhjet", shprehet Enton Abilekaj.
"Ruçi ka bërë një lëvizje të llogaritur mirë. Ruçi ka bere zgjedhje të zgjuar për veten e vete për t'u larguar nga konjukturat që e presin politikën shqiptare dhe atë çka pritet të ndodh", thotë Ben Andoni.
![]()
Pas katër vitesh në krye të Kuvendit dhe pas një karriere 30 vjeçare në PS, Gramoz Ruçi deklaroi tërheqjen nga politika në Kongresin e Jashtëzakonshëm të 12 qershorit. Ndërsa nga kampi i opozitës, Sali Berisha, i cili ashtu si Ruçi ka një karrierë të gjatë politike, ka deklaruar së fundmi mundësinë e rikthimit në krye të PD.
"Deklarata e Berishës, shihet si një lloji presioni për të treguar që mund të kthehet përsëri meqenëse ata e shpallën non-grata. por kjo është çështje personale e tij dhe Shqipëria nuk ka kushte për të mbështetur", theksoi Abilekaj.
"Berisha po mban peng PD me deklaratat e tij. Kjo lidhet edhe me shpalljen e tij non grata, e cila lidhet me qasjen që do të ketë SPAK me problematikën e tij. Ndërkohë urdhri i Biden e ka vendosur në një realitet ndryshe politikën Shqiptare. Berisha me gjithë qetësin e tij në dukje, tregon se është shume i shqetësuar për të ardhmen e tij", shtoi Andoni.
Pavarsisht se shprehen skeptik për krijimin e një gjenerate të re të mirëfilltë politike, analistët shprehen se tashmë ka përfunduar koha e Gjeneratës së vjetër…
"Tani edhe Sali Berisha dhe Meta, e kanë mbyllur ciklin politik, të largohen nga politika, për t'i lëmë brezit të ri hapësirën për qeverisje të Shqipërisë", tha Abilekaj
"Gjenarata e re politike nuk ka terren pasi partitë aktuale nuk e lejojnë krijimin e një partie të re, apo shpalosjen e një vizioni të ri qeverisës", përfundoi Andoni.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)