Mediat flasin se policia po kërkon një person në arrati i cili arriti t'i shpëtonte agjentëve. Lagjia është evakuar pasi ekziston frika e një shpërthimi. Agjentët i kanë paralajmëruar banorët të largohen dhe disa të tjerëve u kanë thënë të qëndrojnë në shtëpi.
"Jemi duke kryer një operacion në Chemnitz,pasi kishim sinjalizime për një atentat” thuhet në deklaratën e policisë e cila kërkoi që të mos publikohen foto dhe video nga vendi i ngjarjes.
Sipas gazetës gjermane Bild personi i arratisur është një sirian me inicialet Jaber A. i cili dyshohet se po përgatiste nëj atentat në aeroportin gjerman. Ndërsa të përditshme të tjera shkruajnë se ky person ishte nën vëzhgim prej kohësh. I dyshuari është një 22 vjeçar i cili ka ardhur në Gjermani në vitin 2015 dhe ka kërkuar azil.
Zëdhënësi i policisë Tom Bernhardt u shpreh se operacioni ka nisur duke patur parasysh se bëhet fjalë për një person të rrezikshëm dhe se do të do të bëhet gjithcka për të evituar çdo lloj veprimi që mund të ketë pasoja te qytetarët.
[gallery]18997[/gallery]
![policia gjermane](http://www.shqiptarja.com/foto/253359.jpg)
![policia gjermane](http://www.shqiptarja.com/foto/253360.jpg)
![policia gjermane](http://www.shqiptarja.com/foto/253362.jpg)
![policia gjermane](http://www.shqiptarja.com/foto/253363.jpg)
Redaksia online
(E.M/Shqiptarja.com)
![](https://www.shqiptarja.com/template/img/sh_logo1.png)