Qindra vetë gjatë ditëve të fundvitit 2023 u evakuuan në vende të sigurta për shkak të përmbytjeve në disa rajone në veri dhe në lindje të Gjermanisë. Pas një fluturimi me helikopter në këto zona kancelari Olaf Scholz mbërriti në qytetin Vreden mbi Aller në Saksoninë e Ulët. Ai bisedoi me ekipet e ndihmës lidhur me gjendjen aktuale në zonat e përmbytura, lidhur me masat e marra si dhe zhvillimet e pritshme në këto zona.
Scholz falenderoi ndihmësit dhe premtoi ndihmat nga qeveria. Në sfondin e kësaj katastrofe natyrore është „e rëndësishme, që ne të solidarizohemi, dhe kjo po ndodh kudo", tha Scholz. "Ndaj për këtë dua të falenderoj për këtë angazhim."
Megjithatë kancelari nuk dha premtime konkrete lidhur me ndihma financiare të federatës për zonat e prekura. Ai siguroi që "federata me mundësitë e veta mbështet landet, qarqet e landeve dhe bashkitë".
Kryeministri i Saksoninsë së Ulët, Stefan Weil, i cili shoqëroi kancelarin gjatë vizitës, tërhoqi vëmendjen, se gjendja e përmbytjeve në landin e tij është ende e tensionuar. "Ne shohim, se në pjesët veriore të landit presioni i masave të ujit ndaj digave është jashtëzakonisht i madh", shpjegoi Weil. Deri tani digat kanë rezistuar, por sam ë shumë rritet presioni i ujit, aq më i lartë është rreziku për çarjen e digave.
Scholz bisedoi edhe më njerëzit e prekur direkt nga vërshimet dhe u impresionua nga bashkëpunimi dhe angazhimi civil. "Moti, natyra në sfidon ne", tha ai. Ka "jashtëzakonisht shumë vullnetarë, që kujdesen, që të bëhet gjithçka është e mundur për të minimizuar pasojat" ".
Kancelari theksoi, se ndërkohë janë lëvruar shumë investime në infrastrukturën e sigurisë në Gjermani dhe kjo do të vazhdojë edhe në të ardhmen. Gjendja në zonat e përmbytjeve ndërkohë është e tensionuar kryesisht në veri të Gjermanisë. Ndonëse ka pasur tërheqje të lehtë drejt shtratit të lumit Aller dhe lumenjve të tjerë që nga dita e shtunë (30.12.2023) duke u ulur niveli i ujit, nuk është shmangur përfundimisht rreziku i çarjes së mundshme të digave.
Në Vreden pjesë të mëdha të qytetit historik ndodhen nën ujë dhe disa shtëpi rrezikohen nga shembja. Shërbimi sinoptik i Gjermanisë parashikon reshje të reja në veri-perëndim të vendit, që mund të prekin edhe zonat e përmbytura./ DW
Komente
Lajme të tjera
-
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45 -
Sulmi në Gjermani, ekstremistët kërkojnë dëbimin e refugjatëve
22 Dhjetor, 13:28 -
I dyshuari për sulmin në Gjermani përballet me 5 akuza për vrasje
22 Dhjetor, 13:10 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Sulmi në Gjermani/ 5 të vdekur, mes tyre një 9-vjeçar, 205 të plagosur, 41 në gjendje të rëndë! Scholz viziton tregun e Krishtlindjeve (VIDEO)
21 Dhjetor, 08:12 -
Gjermani/ Tragjedi në Magdeburg, makina përplas turmën në Tregun e Krishtlindjeve, 2 të vdekur e 68 të plagosur! Kapet autori! S'ka shqiptarë të lënduar (VIDEO)
20 Dhjetor, 20:49
U permbytka dhe gjermania nga shirat,,he mer shqipe su permbytkeni vetem ju,,,rama il????????????????
Përgjigju