Gjermani, kisha pranon përgjegjësinë dhe vendos të kompensojë viktimat e abuzimit seksual të 'Canisius Kolleg'

Ajo që diskutuan ipeshkvët katolikë gjermanë në mbledhjen e tyre plenare të vjeshtës në Fulda për kompensimin e viktimave të dhunës seksuale nga njerëzit e kishës, ishte e rëndësishme. Kisha Katolike po bën një hap të nevojshëm dhe të vonuar. 

Rreth dhjetë vjet më parë, viktimat në Canisius Kolleg në Berlin thyen heshtjen e tyre për padrejtësinë e pësuar.

Që atëherë, janë bërë të njohura mijëra raste të dhunës seksuale në Kishën Katolike.

Përfaqësuesit e kishës fillimisht u përgjigjën me indinjatë dhe turp, pastaj filloi një udhëtim i gjatë dhe i ashpër për trajtimin e kësaj teme. Ndërkohë, qindra mijëra katolikë dolën të zhgënjyer nga kisha e tyre.

Fillimisht u kërkua të bëhet një studim

Ishte tipike për ipeshkvët katolikë që ata porositën një studim gjithëpërfshirës shkencor, përfundimi i të cilit - pas një fillimi fillestar të vështirë - zgjati katër vjet. Kjo për të prekurit kaloi çdo kufi.

Por puna e shkencëtarëve pengoi që krimet të banalizoheshin.

Kur Papa Françesku fajëson "djallin" për abuzim seksual, në një sistem që e zotëron në mënyrë perfekte retorikën e mbulimit dhe shpërqendrimit, është njësoj si argumenti i Joseph Ratzinger-it, Papës Benedikt në pension, se përgjegjëse është fryma e viteve 1968-të.

Kjo së paku duhet të irritojë në mënyrë ekstreme viktimat e dekadave të mëparshme.

Tani Konferenca Ipeshkvnore ndodhet pak para miratimit të një sistemi, në të cilin viktimave do t'u paguhen shuma prej disa qindra mijë eurosh.

Është e mundur që Kishën Katolike në Gjermani e presin shpenzime prej rreth një miliardë euro.

Por edhe në vendet e tjera, në Irlandë, Australi, Kanada, kishës iu desh të shpenzojë më shumë se një miliard euro për të mbijetuarit e krimit.

TAG:
• gjermani
• papa Francesku
• abuzim seksual
• Canisius Kolleg
• Joseph Ratzinger