Gjermania është skuadra e pestë që siguron çerekfinalen e ‘’Euro 2016’’. Me një fitore bindëse me rezultatin 3:0 kjo kombëtare është gati të luajë ndeshjen e radhës me fituesen e çiftit Itali-Spanjë të cilat do të ndeshen nesër në orën 18:00. Gjermania ka dominuar gjatë 92 minutave lojë duke shënuar tre gola, ndërkohë që pati rastin për ta thelluar rezultatin në 4 me 0 pas penalltisë së humbur të Ozil.


19:50 Gjermania me 3 golat kundër Sllovakisë është skuadra që kualifikohet në fazën çerekfinale të ‘’Euro 2016’’. Me këtë rezultat ka përfunduar ndeshja e cila është dominuar në të dyja pjesët nga djemtë e Joachim Low.


19:18 Në minutën e 63 Draxler shënon golin e tretë për gjermanët.



18:48 Përfundon me rezultatin 2:0 pjesa e parë e ndeshjes Gjermani-Sllovaki. Goli i dytë për gjermanët u shënua nga Mario Gomez ne minutën e 43.



18:10 Në orën 18:00 ka nisur sfida për eliminimin direkt ajo mes Gjermanisë dhe Sllovakisë. Vetëm 8 minuta lojë kanë mjaftuar që pancerat të kalojnë në avantazh me gol të Boateng.