TIRANË, 3 Tetor / ATSH / -Ministrja e Zhvillimit Urban dhe Turizmit, Eglantina Gjermani,  inspektoi punimet që po kryhen në kuadër të "Projektit Pilot të Integrimit të Zonës Informale", në lagjen "Kushtrimi", në Vlorë.
Ky është një prej projekteve të financuar nga Fondi i Zhvillimit të Rajoneve (FZHR). Investimi në vlerë e 100.000.000 lekëve parashikon sistemimin dhe urbanizimin e zonës, duke e shndërruar në një zonë me parametra normale urban. Projekti është hartuar mbi studimin e përgatitur nga Bashkia e Vlorës në bashkëpunim me Projektin për Planifikim dhe Qeverisje Lokale (PLGP) të USAID-it. /a.ke/