TIRANË-Realizimi dhe mundësimi i votës së emigrantëve në zgjedhjet e ardhshme ka qenë pjesë e diskutimit të kryeministrit Edi Rama me Këshillin Koordinues të Diasporës gjatë një konference online. Rama tha se alternativa e vetme e votimit për emigrantët shqiptarë është me postë, por procesi ka vështirësi dhe kërkon kohë. Ndërsa për përfaqësuesin e PS për Reformën Zgjedhore, Damian Gjiknuri ka sqaruar se emigrantët duhet të regjistrojnë adresën e tyre në regjistrin civile kombëtar dhe prej andej do të gjenerohet një listë e veçantë për ta. Pra vendi do të funksionojë me dy lista një e brendshme me qytetarët brenda vendit dhe një listë e jashtme me shqiptarët që jetojnë jashtë kufijve të Shqipërisë. Për Gjiknuri aktualisht nuk është e mundur që emigrantëve t'u sigurohen mandate në Kuvend pasi kjo kërkon ndryshime Kushtetuese dhe se votat e tyre do të llogariten për qarkun e Tiranës.
A do të votojnë emigrantët në zgjedhjet e ardhshme? Për ministrin e Diasporës Pandeli Majko "PO" dhe mazhoranca e ka këtë vullnet, ndërsa për kryeministrin Rama kjo duhet parë në mënyrë më realiste dhe nuk mund të thuhet 'PO' me 100 % siguri. Kjo pasi për votën e emigrantëve, Rama theksoi se nuk ka nevojë thjeshtë për zgjidhje teknike, por për pranim të zgjidhjes dhe mekanizmit që do të përdoret, në mënyrë që në të ardhmen të mos ketë kontestim nga asnjë palë.
Rama kërkoi dhe nga diaspora të marrë pjesë në monitorimin e mekanizmit nga pikëpamja teknike mbi efektshmërinë dhe integritetin e tij, ndërsa Majko kërkoi që vota e emigrantëve të sigurohet me dispozita ligjore dhe jo t'i lihet në dorë KQZ-së vetëm me akte normative.
Në lidhje me marrëveshjen e zgjedhores e arritur në Këshillin Politik, Rama bëri të ditur se brenda kësaj jave do të mbyllen të gjitha detajet dhe me dakordësi apo jo ato do i dorëzohen komisionit të reformës zgjedhore para 30 qershorit, ku përfundon dhe afati i punës së saj.
Kryeministri Edi Rama tha se brenda kësaj jave do të mbyllen të gjitha detajet për marrëveshjen e arritur në Këshillin Politik dhe me dakordësi apo jo ato do i dorëzohen komisionit të reformës zgjedhore para 30 qershorit, ku përfundon dhe afati i punës së saj.
"Brenda javës mbaron procesi i diskutimeve mes mazhorancës dhe opozitës jashtëparlamentare për marrëveshjen e këshillit politik. Në të gjitha rastet me dakordësi dhe pa dakordësi detajet do i dorëzohen komisionit të zgjedhores deri me 30 qershor kur mbaron dhe afati i punës", tha Rama.
Bisedimet mes mazhorancës dhe opozita jashtëparlamentare kanë ngecur në riformatimin e KQZ dhe përbërjen e saj.
Ministri Pandeli Majko tha se vota e emigrantëve do të realizohet në zgjedhjet e ardhshme, por për kryeministrin Rama kjo duhet parë në mënyrë më realiste dhe nuk mund të thuhet 'PO' me 100 % siguri. Kjo pasi për votën e emigrantëve, Rama theksoi se nuk ka nevojë thjeshtë për zgjidhje teknike, por për pranim të zgjidhjes dhe mekanizmit që do të përdoret, në mënyrë që në të ardhmen të mos ketë kontestim nga asnjë palë. Rama kërkoi dhe nga diaspora të marrë pjesë në monitorimin e mekanizmit nga pikëpamja teknike mbi efektshmërinë dhe integritetin e tij.
"Përgjigja sot që flasim është një përgjigje realiste dhe jo një përgjigje optimiste. Realiste do të thotë se jemi në kushtet ku kemi goxha pozitivitet lidhur me faktin se kjo do të realizohet, por nuk jemi sot teknikisht 100 % të gatishmërinë të themi po dhe kjo punë ka marrë fund dhe do bëhet për zgjedhjet e ardhshme. Nuk kemi nevojë thjeshtë për zgjidhje teknike, por dhe një pranueshmëri të zgjidhjes. Nëse procesi është i kontestuar dhe nëse një palë në parim thonë mezi po presim votimin e diasporës dhe më pas të kontestojë mekanizmin kjo është problem. Mendoje se ndihma kryesore që ju mund të jeni dhe duhet të jepni është të merrni pjesë në monitorimin e mekanizmit nga pikëpamje teknike mbi efektshmërinë dhe integritetin e mekanizmit", tha Rama.
Brenda socialistëve ka pasur një debat mbi rolin e KQZ-së për votën e emigrantëve. Ministri Majko tha se duhen dispozita ligjore dhe se vota e emigrantëve është shumë e rëndësishme për t'ia lënë në dorë KQZ. Por Gjiknuri u shpreh se KQZ është rruga e duhur për të çuar përpara procesin.
"Të fillojnë të hedhin votën ata që janë regjistruar. Këtu kemi të bëjmë me një proces të gjatë. Të fillojë procesi dhe gradualisht të kolaudohet. Nga zgjedhjet në zgjedhjet numri i tyre të shtohet më pas. Imagjinoni që ky proces të molepsej, do të hapej një diskutim, që vendosin në diskutim votën e emigrantëve. Ta bëjmë më kujdes, po u politizua, kam frikë se do të hapet edhe ky debat. Cdo gjë i është në dorë KQZ dhe për mendimin tim ajo është rruga".
Ministri i Diasporës, Pandeli Majko ka qenë i ashpër në kërkimin e votës së shqiptarëve që jetojnë jashtë vendit duke thënë se vullneti i mazhorancës është i fortë që vota e tyre të jetë e garantuar në zgjedhjet e ardhshme dhe kjo do të bëhet. Majko tha se vota e emigrantëve është mjaft e rëndësishme për t'ia lënë në dorë KQZ dhe për këtë duhet krijuar dispozita ligjore pasi nuk mundet që KQZ të funksionojë në lidhje me këtë votë vetëm me akte normative. Ai ka sqaruar se me përfaqësuesin e PS për Reformën Zgjedhore, Damian Gjiknuri nuk ka pasur asnjë model përçarës, por thjesht teknik.
"Mazhoranca ka vullnet të plotë në zgjedhjet e ardhshme do të bëjmë gjithçka që shtetasit shqiptarë që jetojnë jashtë vendit të japin votën e tyre. Unë i bashkohem se e drejta kushtetuese nuk ka nevojë për negociata dhe të dyja opozitat janë prehur pro votës së emigrantëve. Është parlamenti i parë që ka krijuar komisionin e reformës zgjedhore, ku që në 3 muajt e parë ne depozituam modelet për votimin e emigrantëve dhe kemi pritur që të merrje një vendim, bashkëpunuam dhe me OSBE. Që në 2019 i kemi dërguar të gjitha propozimet dhe modelet tona në Komisionin e reformës zgjedhore. Në qoftë se kemi pasur një model përçarës ne me zotin Gjiknuri, nuk është kështu, ishte thjesht teknik. Ajo që duhet të bëjmë është me shumë rëndësi të vendosen dispozitat ligjore për votën e emigrantëve pasi nuk janë 10 % por gati gjysma e shqiptarëve dhe duhet bërë ndarja e listave me shqiptarët brenda vendit dhe ato jashtë. Ka shumë rëndësi që KQZ të ketë dispozita ligjore që të funksionojë për votën e emigrantëve dhe nuk mund të lihet të veprojë thjeshtë me akte normative. Vota e emigrantëve është shumë e rëndësishme për t'ia lënë në dorë KQZ. Interesat politike kanë qenë kaq të komplikuara dhe afatshkurtra sa nuk kanë lejuar një gjë të tillë, por jam i lumtur që vullneti i mazhorancës që në zgjedhjet e ardhme emigrantët të votojnë për fatet e vendit të tyre. Nuk ka mungesë vullneti nga ana jonë, ne flasim me vepra e punë dhe në zgjedhjet e ardhshme emigrantët do të votojnë dhe themi sot se kjo do të bëhet", tha Majko.
Kryeministri Edi Rama u shpreh se alternativa e vetme e votimit për emigrantët shqiptarë është me postë. Por procesi ka shumë vështirësi, tha ai dhe kërkon kohë. Konkretisht, Edi Rama theksoi se problemi lidhet me regjistrimin e shqiptarëve në vendet që ndodhen jashtë kufijve. Në një mënyrë apo tjetër, kryeministri u shpreh besimplotë se votimi i emigrantëve do të realizohet, qoftë edhe duke filluar me një projekt pilot. Edi Rama dy fjalë i kishte edhe për debatin politik në Shqipëri, por sqaroi se te vota e emigrantëve nuk ka divergjencë të shfaqur.
"Ajo që duhet sqaruar paraprakisht është së pari, ne jemi në një proces të një reforme zgjedhore, i pa ndodhur më parë, pasi sot nuk jemi dy palë, por tre palë dhe në njëfarë mënyre, skena e palëve politike që duhet të merren vesh është trepolare, shumica parlamentare, një opozitë brenda dhe një jashtë parlamentit. Nga pikëpamja aritmetike, kodi dhe reforma zgjedhore në tërësi duan një shumicë të cilësuar që ne nuk e disponojmë dot, por nga pikëpampja e traditës duam të respektojmë një vijëmësi të një procesi gjithëpërfshirës, që nënkupton një mirëkuptim mes tre palëve, ne me dy palë të tjera, që pavarësisht se janë produkt i të njëjtit bark janë në divergjencë ekstreme me njëri tjetrin.
Kur vjen puna te vota e emigrantëve nuk ka divergjencë të shfaqur, por nuk kemi dakordësi në momentin që flasim. Procesi ka qenë i ngatërruar dhe konfliktual dhe ulja në tryezë u bë me vonesë të jashtëzakonshme dhe në kushte specifike, atëherë optimizimi është më i vogël se do të ishte normalisht. Ne i kemi studiuar dhe Majko është marrë për metodat e realizimit të votimit nga jashtë, por për arsye nga jashtë, por për arsye të konfliktit politike e kemi përjashtuar votimin në ambasada dhe konsullata, që mund të ishte i realizueshëm.
Por është më i vështirë nga lëvizshmëria, pasi ata që nuk e kanë ambasadën apo konsullatën afër do të ishte e komplikuar. Ne kemi lënë si alternativë të vetme votimin me postë, por ka gjëra që lidhen me regjistrimin, jo vetëm në Shqipëri, por vendin ku është. Është një proces që kërkon kohë, jemi duke punuar cdo ditë. Jemi duke punuar për një opsion elektronik të regjistrimit, përputhshmërie mes listës së votuesve që gjenerohet nga regjistri i gjendjes civile dhe personave të regjistruar, por jemi herët të themi se kjo gjë mund të realizohet. Unë kam besim se në një mënyrë apo tjetër mund të hyjmë në këtë proces, qoftë edhe me një projekt, zonë, votim, projekt pilot" tha ai.
Përfaqësuesi i PS për Reformën Zgjedhore, Damian Gjiknuri ka sqaruar në lidhje me votën e emigrantëve se si do të zhvillohet ajo. Gjatë një konference online me Këshillin Koordinues të Diasporës për të diskutuar “Votën e Diasporës në Reformën Zgjedhore”. Gjiknuri tha se Vota e emigrantëve është menduar të bëhet me postë apo në mënyrë elektronike,edhe pse kjo e fundit do të kërkonte një kohë më të gjatë. Gjiknuri tha se dhënia e votës me postë mund të jetë një nga mënyrat, por që fillimisht duhet që të gjithë emigrantët që kanë dëshirë të votojnë të regjistrojnë adresën e tyre në regjistrin civile kombëtar dhe prej andej do të gjenerohet dhe një listë e veçantë për ta. Kjo listë Gjiknuri tha se është vendosur t'i bashkohet qarkut të Tiranës, ndërsa në lidhje me marrjen e mandateve nga vetë diaspora shqiptare, për Gjiknurin kjo do të kërkojë kohë dhe ndryshime Kushtetuese që nuk janë të mundura në këtë kohë.
"Reforma zgjedhore u zhvillua në një kontekst të vështirë politik dhe nuk ishim normale si reforma të tjera zgjedhore pasi vinim në një situatë ku me opozitën jashtëparlamentare dialogu ka qenë i munguar dhe vota e emigrantë duhet të trajtohet me shumë kujdes që të mos ngjallte pengesa nga asnjë palë. Morëm përsipër që çështjen e votës së emigrantëve ta përfshijmë në një mënyrë që ajo të bëhet e mundur se si ta zbatojmë atë. Nisur nga teksti dhe legjislacioni aktual në Shqipëri që vota e emigrantëve duhet të kryhet vetëm përmes një regjistri paraprak ku emigrantët të kenë dhënë adresat e tyre dhe për këtë arsye qeveria në 2016 miratoi një ligj dhe krijoi aplikacionet online dhe infrastruktura është gati. Duke pasur parasysh këtë dhe mënyrën se si ne gjenerojmë listën e zgjedhësve, proceduar me postë apo mënyrë elektronike, që e dyta mund të dojë më shumë kohë ia deleguam KQZ. Sepse ne nuk ishim në gjendje të mund të detajonim çdo procedurë se si do të funksionojë vota me postë. KQZ do të udhëheq procesin dhe përcaktimin ligjor të gjithë këtij procesi. Nëse një emigrant ka regjistruar adresën do të futet në listën e zgjedhësve dhe duke shprehur dëshirën e tij përmes një akti të KQZ nëpërmjet postës të mund të japin votën e tyre. Kjo është situata. E drejta e sanksionuar duhet që emigranti të jetë i regjistruar në gjendje civile dhe infrastruktura të jetë gati dhe vota do të llogaritet në qarkun e Tiranës pasi ashtu funksionon mënyra e regjistrit të gjendjes civile pasi emigrantët dalin me një listë unike. Pasja e mandateve për emigrantet nuk mund të zgjidhet dot tani pasi duhen ndryshime kushtetuese, prandaj është llogaritur që vota e tyre të llogaritet në qarkun e Tiranë", tha Gjiknuri.
Komente
Lajme të tjera
-
Erion Veliaj 5 orë në SPAK, Berisha: Luftë brenda llojit, jo meritë e Altin Dumanit
27 Dhjetor, 14:52 -
Meta nuk ndal sulmet për Altin Dumanin as nga burgu: Mercenar i Ramës! Nuk burgosen dot kauzat e PL
27 Dhjetor, 14:45 -
Hasani: Negociatat me Greqinë duhet t'i trajtojmë me kujdes, duhet punë tavoline, jo mikrofoni! Ka nisur puna për organizimin e samitit të NATO-s në 2027
27 Dhjetor, 10:19 -
Kosovë/ Mbi 90.000 të regjistruar për votim nga diaspora
27 Dhjetor, 09:30 -
Zgjedhjet 2025/ KQZ teston 'PER', platformën për votuesit jashtë Shqipërisë! Celibashi: Llogarinë mund ta krijojë kushdo, nëse përmbushen kushtet regjistrohesh si zgjedhës
27 Dhjetor, 08:55 -
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
Si mund te votohet kjo klase politike nga emigrantat...kur kto politikane i bene te marrin rruget e botes nga paaftesia per te bere shtet...
PërgjigjuSesa kane nder mend tu japin mundesi emigranteve te ushtrojne te drejten e votes e deshmon terthorazi edhe ky shkrim. Carcaf i gjate vetem me fjalet e Rames, Majkos, Gjiknurit, asnje fjale nga perfaqesues te emigranteve (as ata te keshillit, qe fundja qeveria i ka zgjedhur vete)! Pastaj 5-6 dite para perfundimit te punimeve te grupit te punes per reformen (qe ka muaj qe po punon) Rama, Majko dhe Gjiknuri kane ide dhe pritshmeri te ndryshme mbi kete ceshtje! Kjo deshmon qarte qe nuk jane marre fare me kete pune dhe po improvizojne tani ne moment te fundit sa per te lare gojen. Pastaj sistemi i votimit perqendruar ne nje qark te posacem vetem per ta e ul ndjeshem mundesine e ndikimit real te votes se emigranteve ne jeten politike te vendit. Emigrantet duhet te votojne ne zonat zgjedhore ku kane pashaportizimin, pronat, familjet, interesat e tyre specifike. Ka menyra sot per ta mundesuar voten, nesa ka vullnet. Mund te votohet fare mire online, p.sh.
PërgjigjuNje Million vota nga emigrantet mund te ju prishi shume pune tre partive te medha. Kane frike ujqerit e vjeter prandaj thone eshte veshtire. Italianet votojne me poste prej shume vitesh. Degjoni Dep. Of State cfare ka per ti bere me nje urdher
PërgjigjuAnej nga ju është gallata modhe, do i japim mundësinë emigrantëve me votu thonë këto. Besoj e kanë politikë për konsum të brëndshëm se këtej nga ne ju ngec sharra në gozhdë. O MRET, JENA RRAF ME VOJ E ME UTHULL KTEJ NE, KUR TË THUASH RRUSH E KOM BO RAKI UN. Jeni bo kopje e keqe e perëndimit. Banalitete.
PërgjigjuSigurisht që do ishte shumë mirë të votonim. Dhe unë do votoj, ose me postë, ose duke ardhur në Shqipëri. Vetëm se nuk e shoh si zgjidhje se duhet të vënë kandidaturën shqiptarë jashtë Shqipërisë. Pse e them këtë? Që të punosh për vëndin tënd, duhet të jesh në Shqipëri, të jesh pranë zgjedhësve, e jo të vish nga anë e anës vetëm për të fituar një karrike në kuvënd. Deputeti duhet të ketë jo vetëm shtetësinë por dhe të jetojë në Shqipëri. Unë nuk kam parë këtej në perendim ku unë banoj prej 25 vitesh, që të zgjidhet në parlament një emigrant, vetëm se mund të ketë lindur këtu. Por emigrantët votojnë me postë, nga të gjitha vëndet ku gjinden, nëse kanë të drejtë vote dhe nëse e ushtrojnë këtë të drejtë. Por asnjë emigrant që jeton në një shtet tjetër nuk është zgjedhur deputet, asnjëherë. Po, janë zgjedhur deputetë, të ardhur në këtë shtet, edhe shqiptarë me banim këtu. Ajo që është detyrë e secilit, është të dojë vëndin, ta promovojë atë realisht e jo duke shkruar zi e terr, të ndihmojë financiarisht po pati dhe e ndjeu, dhe mos të na tundi duart e flamur me hipokrizi. Sa më shumë të tillë shqiptarë të ketë, aq më e mirë bëhet Shqipëria jonë.
PërgjigjuPo ku kanë ngelur intelektualë në Shqipëri që nuk pranon ti të vijnë nga emigracioni. Për cfarë intelektualësh e ke fjalën ti, për ato që blejnë diplloma apo për ato që kopjojnë studime në internet dhe i prezantojnë si të tyret? Duhet të pranoni realitetin e ri, klasa intelektuale shqipëtare ndodhet në emigracion, ju pëlqen apo jo kjo është e vërteta. E pamë për më shumë se 25 vjet cfarë katandisi "intelektuali" dipllomë blerës aty në shqipëri. Pse keni kaq shumë frikë nga emigrantët?
U bë afërsisht 30 vjet që emigrantët sjellin parà në shqipëri, akoma nuk qënke ngopur? Akoma nuk beson te dashuria e emigrantëve për vendin e tyre? Thuaj të vërtetën, nuk jeton jasht dhe mbi të gjitha ke frikë nga vota e emigrantëve.
Shko mor qen..Do tja jap surratit tend edhe larove te tjere voten time? Harrojeni funderrina. Ne si emigrante nuk na keni perkrahur kurre, madje edhe ne momente te veshtira kur jemi perplasur ne ambasadat tona te qelbura jemi shperfillur e trajtuar si te ishim plehra. Ju pafsha ne grope qe neser te gjitheve.
PërgjigjuHahahahahah ja futi Lulit prape ky i gjati, po miratoi voten me poste vetem kur ta marre zoti zbret ky .Ne Shqiperi qeverite kane 30 vjet qe vjedhin votat neper kutira e ne sy te 100 vezhguesve e jo ne Posten Shqiptare ku kane emeruar te gjithe njerezit e vete .
PërgjigjuKam bindjen se asnje emigranti nuk i plasi trapi per te votuar nga vendet e tyre ku jetojne per zgjedhjet qe behen ne shqiperi.
PërgjigjuKa shume shqiptare qe po rrijne e po presim te ju vije mundesia.Ka frike Rama apo Basha se nuk mund ti blejne dot. Tani mund te jua jap me emra konkrete qe ka njerez te nderuar. Shqiptaret koken mrapa ke vendlindja e kan o daku. Jane ne ameriken e larget dhe prap zemren ne Shqiperi e kane. Duhet te levizesh pak jashte e te jetosh e te punosh me turne se jeni MYK nga papunesia dhe pertacia. (Asgje personale me ju po thjesht opinioni im nga larg.
ErL! kush intelektual nga diaspora e mer mundimin me u bo deputet ne Shqiperi. Ah! po, do te vijne ata intelektuale qe nuk kan byth te bejne kariere ne ato vende ku punojne se mund te jene te paafte dhe per te rregulluar mireqenjen e tyre mendojne te vijne e te bohen deputete ne shqiperi.......
E ke shumë gabim rrënjët e çdo emigranti janë në Shqipëri. Vëmendja dhe fokusi ndaj Shqipërisë është i madh pasi dashurinë për vendin e kupton kur ai të mungon. Diaspora jo vetëm duhet të gëzojë të drejtat e saj siç është votimi por edhe deputetët e saj si çdo vend tjetër.
Une mendoj qe shteti shqipetar te fuse ne listen kombetare edhe emigrantet kudo qofshin ata, mos beni sikur eshte ndonje veshtiresi e madhe, nese doni per 3 ore behet programi per perfshirjen e tyre, jepu kete te drejte atyre qe na kane mbajtur me buke tash 29 vite. Ohhh zot, cfare diskutojme....booooooo
PërgjigjuTroc nuk behet edhe kete here...fytyra e Rames kur flet Majko . Legena 8 vjet dhe gjasem do ndryshim Majko minimalisht doreheqe se nuk ke arsye te rrish ne karrige pa detyra Rama tallet por edhe Basha berisha meta Turp
PërgjigjuPandeli Majko, njeriu me i paafte ne politike. Te presim ne te na i rregulloje Pandi
PërgjigjuVAZHDON DESKRIMINIMI I EMIGRANTEVE NGA I PA FTYRI GJIKNURI TE APROVUAR NGA RAMA ME NGATERESA BUROKRATIKE PER MOS VOTIMIN E EMIGRANTEVE
PërgjigjuKur ske alternativa me mire te mos votosh fare
DIKTATURE DHE PIK DON APO NUK DON POPULLI
PërgjigjuDebat fallco. Keto lloj debatesh ben gjithmon pandeliu dhe bashkim fino. Te dy keta bejne sikur sjane dakort per ligje te ndryshem por cuditerisht asnje ligj qe keta jane kunder nuk eshte kthyer dhe cudditerisht asnje ligj ska mare vote kunder nga keta te dy ne komisione. Thjesht duan te duken ndryshe por reshtohen ne rresht si te gjithe kur vjen puna me votim. Thjesht luajne teater si gjithmone. Se ndryshe do ishin si ditmiri ne hije
Përgjigju