POP 5

Lajmet më të lexuara të 5 minutave të fundit

Opinion

Gjikondi: Albin Kurti si realizues i imagjinatës kombëtare të Ukshin Hotit

Një popull udhëhiqet duke i treguar një të ardhme shkruante dikur Balzak, dhe këtë Albin Kurti arriti ta bëj.  Karakteri i tij është rrugëtimi i tij. Tashmë ai është një metaforë e vetes, tashmë ai duhet që metaforën ta kthej në realitet, ta zhvesh, ta zbatoj, dhe për këtë do e ndihmoj 6 Tetori. 

Gjikondi: Albin Kurti si realizues i imagjinatës kombëtare të Ukshin Hotit

Albin Kurti

Një popull udhëhiqet duke i treguar një të ardhme shkruante dikur Balzak, dhe këtë Albin Kurti arriti ta bëj.  Karakteri i tij është rrugëtimi i tij. Tashmë ai është një metaforë e vetes, tashmë ai duhet që metaforën ta kthej në realitet, ta zhvesh, ta zbatoj, dhe për këtë do e ndihmoj 6 Tetori. Fjalimet e tij janë të pakonkurueshme. Vepra e tij po ashtu.  Mundimi, modestia, sakrifica, vërtetësia, erudicioni i tij tashmë po mbledhin frytet e një jete. Unë nuk do doja të zgjatesha sot, pasi kahershëm dihet mbështetja dhe vlerësimi që kam ndaj Albin Kurtit, unë mendoj se shqiptarisë tashmë i ka ardhur një idhull me krenë sic do thoshte Migjeni po ta kishte njohur. Dhe shqiptarët e dinë mirë cfarë është të kesh të kundërtën, të kesh idhujt pa krena, mund të arrish të rrish 5 shekuj nën skllavëri dhe me vite nën një liri figurative. Albin Kurti është modestisht i vetëdijshëm për formimin e tij të diferencuar nga kusuri i lidërve të shqiptarisë, ai mban gjallë dhe zhvillon frymën filozofike të Ukshin Hotit dhe qëndresën e Adem Demacit. I rrinë ngushtë tradhëtitë, akoma më ngushtë pazaret.  Vizioni i tij ndaj bashkimit kombëtar, mund të shplodhet dhe heshtet për arsye gjeopolitike dhe diplomatike por kurrë nuk do fle gjumin e madh. Ndryshe nga Rama që shoun e ka stil jetese, Kurti ka përfshirë që në gjenezë të politikës së tij (në organizatat politike) një numër të konsiderueshëm shqiptarësh të Shqipërisë, ndërkohë që Rama i nxjerr nga furra vetëm për emërime despotike të menjëhershme, të papritura dhe pa kontribute.

Programi zgjedhor i Kurtit, është i qartë, një program që synon kryesisht rikthimin e sovranitetit nëpërmjet fuqizimit të ekonomisë publike, rikthimin e dinjitetit shtetëror, efikasitetin e administratës publike duke e shndrruar atë në rentabël dhe jo në parazit partiakë që dredhin zinxhir.. me pak fjalë është nga të paktat programe qeverisëse që bazohet në një analizë të personalizuar për vecoritë e Kosovës me identitet dhe mendim të qartë për fushat ku do zbatohet, ku ndjehet qartë dhe me aktualitet filozofia e një të majte progresiste.

Jam e bindur në fitoren plebishitare të Albin Kurtit dhe Vetëvendosjes si një domosdoshmëri historike ndër shqiptarë, të cilët nuk i japin frymë liberalizmit kozmopolit anarkist por do kthejnë në realitet atë imagjinatë që Ukshin Hoti do shprehte me fjalët e tij se “Kombi Shqiptar po e përjeton në imagjinatë atë që kombet tjera e kanë realizuar prej kohësh. Po duke qenë një komb si të gjitha kombet tjera, shqiptarët nuk kanë pse të përjetojnë gjithçka vetëm në imagjinatë “      

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça