Gjinkondi lidhur me incidentin e ditës së Verës në Elbasan: Si mundet që dy gra si Monika e Grida të përkrahin dhunën

Gjinkondi lidhur me incidentin e ditës së Verës në Elbasan: Si mundet që dy gra si Monika e Grida të përkrahin dhunën

Monika Kryemadhi dhe Grida Duma

Aktivistja Bizida Gjikondi ka reaguar e revoltuar lidhur me incidentin e djeshëm në Elbasan, sidomos për reagimet e Grida Dumës dhe Monika Kryemadhit, të cilat sipas saj e kanë mbështetur këtë skenë dhune.

“Po si mundet një grua, një nënë, të shoh bij nënash të tjera që rrihen e shqyhen e shahen me ulërima, si nuk ju prishet gjaku ?! Mua më prishet !”, shkruan ajo.

Gjikondi shkruan se listat duhet të kenë në përbërje burra dhe gra dinjitoze, jo agresive, jo imorale, jo të korruptuara por sipas saj duhet të jenë shembuj të gjallë morali jo zjarrhedhëse dhe gojëhelm.

“Vota dhe jo dhuna është fjala e parë dhe e fundit ! Asgjë tjetër !” shkruan në fund ajo.

Grida Duma përmes një postimi në rrjetin e saj social Facebook ka publikuar ditën e djeshme skenën e dhunës duke shkruar “Duke ndodhur...”.

Ndërsa Kryetarja e LSI-së Monika Kryemadhi teksa po prezantonte kandidatin për deputet në Përmet, foli edhe lidhur me përplasjen, duke e mbështetur atë që bënë militantët e PD-së.

Kryemadhi shtoi gjithashtu gjatë fjalës së saj se rezultati i 25 prillit është ajo çfarë ndodhi ditën e djeshme në Elbasan, aty ku njerëzit e përzunë kryeministrin Rama dhe i thanë ik largohu.

Gjatë festimeve të ditës së Verës në qytetin e Elbasanit ndodhi një skenë dhune mes militantëve të PD-së dhe PS-së.

Episodi degjeneroi në përplasje fizike dhe vetëm ndërhyrja e policisë mundi të shmangë precipitimin e mëtejshëm, duke shoqëruar në Komisariat disa persona. 

Pamjet janë transmetuar live edhe në Facebook-un e kryetarit të PD-së, Basha, i cili më pas e fshiu atë.  

Incidenti i djeshëm ka shkaktuar një “lumë” reagimesh dhe komentesh.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sara: 15/03/2021 13:30

    Mos u cuditni se si Monika dhe Grida rrugace jan

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Përfshihet në flakë apartamenti në Patos, shkak bombola e gazit, nuk ka të lënduar

Përfshihet në flakë apartamenti në Patos, shkak bombola e gazit, nuk ka të lënduar