Prej vitesh mbetjet urbane hidhen në shtretërit e përrenjve pasi mungojnë kontejnerët në zonat rurale të Gjirokastrës. Me kamerën e Report Tv sjellim problematikën e ndotjes në fshatrat Karjan e Kaloz, pjesë e njësisë Lunxhëri.
“Këtu prej 20 vitesh hidhen mbeturinat në përrua. Shteti të vendosë dorë. Administratori i komunës dërgon punëtorët për t’i pastruar çdo 10 ditë, por fshatarët i hedhin sërish. Po të vendosen 2-3 kosha plehrash, nuk do ishte kjo gjendje”, tha banorët.
Drejtori i Shërbimeve Publike në Bashkinë e Gjirokastrës Astrit Kore pranon problematikën, por nga ana tjetër kërkon bashkëpunimin e banorëve për të mbajtur pastër mjedisin.
“Mund të them se histori suksesi është njësia vendore Antigone që pastrohet 100 për qind dhe komuniteti ka reaguar mirë. Njësia Lazarat në masën më të madhe kemi kontejner dhe mjete pastrimi. Njësia Lunxhëri pastrohet në masën 80 për qind të territorit. Njësitë vendore Cepo dhe Odrie kanë nevojë për kompletim të mëtejshëm me kontejner. Shpresojmë që në vazhdim të kemi dhe fshatrat ashtu siç kemi qytetin e Gjirokastrës ku operojmë në çdo cep me kontejner dhe mjete pastrimi ekologjike. E vetmja pjesë që çalon është bashkëpunimi me komunitetin. Duhet më shumë ndërgjegjësim”, thotë ai.
Investimet mungojnë dhe në periferi të Lezhës, ku rreth 500 banorë të zonës industriale jetojnë mes ujërave të zeza dhe pirgjeve me mbeturina. Rruga që lidh lagjen "Skëndërbeg", me qendrën e qytetit vetëm 2 kilometra ka pësuar dëmtime dhe ujerat e zeza kanë dalë në sipërfaqe.
“Shikojeni rrugën gropa-gropa, nuk kujtohet njeri për ne. Ujërat e zeza janë problem, kanë dalë në sipërfaqe. Këtu s’ka shtet as bashki. Ujëra të zeza në rrugë, pusetat ke kapakë të hapur. Është investuar para 5 vitesh, por u bë një fabrikë dhe na e shkatërruan rrugën”, thanë banorët.
Bashkia Lezhë bën me dije se sapo të zbatohet projekti i kanalizimeve në të gjithë qytetin, do të ndërhyhet në rehabilitimin e plotë të infrastrukturës së kësaj lagjeje.
Komente
Lajme të tjera
-
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Bllokohet aksi nacional Gjirokastër-Përmet, shkak rënia e inerteve nga lartësitë
23 Dhjetor, 17:38 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Moti i keq/ Lezha përfshihet nga rrebeshet e shiut me erëra të forta! Vështirësohet qarkullimi i mjeteve në qytet
23 Dhjetor, 12:13 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
‘Darka e të marrëve’, komedia e famshme shfaqet në Lezhë
22 Dhjetor, 20:55
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Tepelenë/ Borxhet ndaj Ujësjellësit kapin shifrën e 120 mijë eurove! Familjet e varfëra dhe Bashkia nuk paguajnë ujin
22 Dhjetor, 16:59
-
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32
Kjo ashte shqipnija si priti 10 miljon turista
Përgjigju