Në operacionin e parë të zhvilluar nga policia e Gjirokastrës u kapën në pyllin e Ujit të Ftohtë në Tepelenë 14 klandestinë, ku 5 prej tyre ishin femra dhe 9 meshkuj të moshës nga 19 deri në 28 vjeç.
5 femra dhe 4 meshkuj janë nga Eritrea nga Afrika, ndërsa të tjetrët nga Siria.
Klandestinët shoqëroheshin nga dy shqiptarë nga Fieri për të shmangur postbllokun e policisë në Ujin e Ftohtë.
Agjentët antitrafik vijojnë operacionin për kapjen e dy shqiptarëve që shoqëronin klandestinët, pasi janë larguar me shpejtësi në thellësi të pyllit, por që janë identifikuar nga policia.
Në operacionin e dytë, të organizuar nga policia kufitare e Kakavijës u kapën edhe 43 klandestinë të tjerë, ku 6 prej tyre janë femra, ndërsa të tjetrën meshkuj.
43 klandestinët e tjerë ishin pakistanezë dhe marokenë, ndërsa të gjithë kishin destinacion Malin e Zi.
Policia kufitare vijon operacionin për kapjen e të tjerë klandestinëve, si dhe arrestimin e shoqëruesve të tyre.
Redaksia Online
(e.s/shqiptarja.com)
![](https://www.shqiptarja.com/template/img/sh_logo1.png)