GJKKO e la në ‘arrest me burg’ Vangjush Dakon, avokatët apelojnë vendimin: Mbajtja në qeli e pajustifikuar

Avokatët e ish-kryetarit të Bashkisë së Durrësit, Vangjush Dako, i arrestuar në 6 qershor 2023 me akuzën eshpërdorimit të detyrës në dy raste, kanë nisur të përgatisin ankimin e masës së sigurisë arrest me burg në Gjykatën e Posaçme të Apelit.

Mbrojtësit e ish-kryebashkiakut këmbëngulin se vepra penale e pretenduar nga prokuroria, nuk ekziston dhe se vendimet marra në Bashkinë e Durrësit, si për pallatin 11-katësh ashtu edhe për tenderin e shëtitores, kanë qënë kolegjiale, duke përjashtuar kështu përgjegjësinë personale.

Avokatët theksojnë se ndaj Vangjush Dakos duhet të merret një tjetër masë sigurie më e përshtatshme, pasi sipas tyre, arresti me burg nuk ka justifikim ligjor në kushtet kur provat janë mbledhur tashmë dhe nuk rrezikohen dhe I pandehuri nuk ka rrezik ikje pasi është paraqitur sa herë që është kërkuar nga grupi hetimor.

Në seancën e zhvilluar të enjten për caktimin e masës së sigurisë, Vangjush Dako ka mohuar të ketë patur dijeni për lejen e pallatit të dëmtuar nga tërmeti ivitit 2019, ndërsa procedurat e tenderit të shëtitores në Durrës janë hartuar dhe ndjekur nga specilistet.

Pasi u la në burg pa afat nga shkalla e parë e GJKKO, ish kryetari i Bashkisë së Durrësit është dërguar në paraburgimin e këtij qyteti ku ndodhen edhe ish-ministri i mjedisit Lefter Koka, ish-deputeti Alqi Bllako si dhe Arben Dervishi, sipërmarres dh eish-zv.president I FSHF-së, të akuzuar për çështjen e incineratorëve.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Vlorë/ Aksident te rrethrrotullimi që të çon në Nartë, makina përplaset me bordurat anësore, 2 të plagosur (FOTO)

Vlorë/ Aksident te rrethrrotullimi që të çon në Nartë, makina përplaset me bordurat anësore, 2 të plagosur (FOTO)