Ish kryetari i KQZ-së Kristaq Kume bën një intepretim ligjor të situatës politike në të cilën ndodhet Himara, në kohën kur GJKKO refuzoi ti japë leje Fredi Belerit për të dalë nga burgu.
Kështu Fredi Beleri nuk do të betohet në Këshillin Bashkiak të Himarës që mblidhet nesër pasi togat e zeza vlerësuan se i zgjedhuri nuk plotëson kriteret ligjore për leje të posaçme teksa mbahet në arrest me burg për korrupsion zgjedhor.
Por çfarë do të ndodhë nesër?
Në një intervistë për emisionin ”Sot Live në Shqipëri” në Report TV Kume thotë se nesër do të konstituohet këshilli bashkiak dhe do të nisë punën por se në realizimin e kësaj detyre do të bashkëpunojë me zotin Goro që do të jetë kryetar në detyrë të bashkisë përsa kohë nuk do të jetë zgjidhur problemi i kryetarit te mandatuar të zotit Beleri.
"Beleri ka marrë mandatin e kryetarit të bashkisë, por për ta ushtruar këtë mandat është e domosdoshme të bëjë betimin. Për sa kohë nuk do të bëjë betimin në detyrë do të jetë zoti Goro" tha Kume.
Ish kreu i KQZ më tej tregon se mandati i Belerit ndërpritet vetëm nëse gjykata e dënon dhe deri në atë kohë ushtrimin e detyrës do e bëjë Jorgo Goro, i cili ka qenë në këtë post deri në zgjedhjet e 14 majit.
“Përsakohë që nuk do të marrë zgjidhje problemi gjyqësor i zotit Beleri, detyrën e kryetarit do ta ushtrojë zoti Goro. Nuk ka kufizime në kohë, pra nëse betimi nuk bëhet brenda kaq kohësh ai nuk ushtron detyrën. E kam dëgjuar si argument ligjor që nëse nuk kryen betimin për disa muaj i ndërpritet mandati. Jo! Nuk jemi në këtë rast. Në ligjin për vetëqeverisjen vendore parashikohet një situatë e tillë në ato raste kur kryetari i bashkisë është në detyrën e kryetarit, por në rastin e Belerit ai nuk e ka nisur ende detyrën ka vetëm mandatin " tha Kume pwr gazetarin Nertil Agalliu.
Po deri kur mund të jetë në detyrë zoti Goro?
Kristaq Kume: “Zoti Goro do të vijojë të jetë në detyrë derisa të zgjidhjet problemi i zotit Beleri. Që do të thotë nëse gjykata do ta kishte marrë parasysh kërkesën e zotit Beleri dhe ai të ishte nesër për betim dhe të fitonte të drejtën për të ushtruar detyrën e kryetarit, pastaj ka mundësi të bëhet të aplikohej dispozita. Nëse pas kësaj ai nuk do të ishte në krye të detyrës ti kërkohej nga këshilli bashkiak ti ndërpritej mandati. Në këtë rast hapej shtegu për tu riaktivizuar një mundësi e tillë për tia ndërprerë mandatin, por kështu siç është nuk bëjnë dot asgjë. Vetëm pasi të vendosë gjyqësori çfarëdo të ndodhë me zotin Beleri nisin e ndryshojnë gjërat.
Fredi Beleri u mandatua si fitues i zgjedhjeve lokale në Himarë, me vetëm 19 vota më shumë se rivali Jorgo Goro. Dy ditë para votimeve, më 12 maj, ai u arrestua bashkë me anëtarin e shtabit të tij elektoral Alfred Kokaveshi. Ata akuzohen se i kanë dhënë 40 mijë lekë të reja një agjenti të infiltruar nga prokuroria e Vlorës, në këmbim të votave të 8 qytetarëve të Himarës. Beleri është lënë në burg nga shkalla e parë dhe Apeli i GJKKO ndërsa Kokaveshi është liruar për shkak të problemeve shëndetësore. Mosparaqitja e Belerit në detyrë për një afat 3-mujor mund të bëhet shkak për shkarkimin e tij nga detyra.
Lajme të tjera
-
Arrestohet hajduti i biçikletave në Vlorë, momenti kur kryen një nga grabitjet
17 Dhjetor, 12:00 -
I vuri tritol lokalit ‘The Boss’ në Lungomare, Gjykata e Vlorës lë në burg 28-vjeçarin! Selamaj zgjedh heshtjen (VENDIMI)
16 Dhjetor, 15:38 -
Vlorë/ Rekrutonin shtetas të huaj për aktivitet kriminal, Gjykata lë në qeli ukrainasin dhe bjellorusin, liron 2 të tjerët për mungesë provash (EMRAT+VENDIMI)
16 Dhjetor, 15:20 -
Vlorë/ Shpërndanin lëndë narkotike pranë shkollave, Prokuroria kërkon arrest me burg për autorët
16 Dhjetor, 12:55 -
Policia operacion kundër shpërndarësve të drogës në Vlorë, Sarandë e Delvinë, 12 të arrestuar, 1 në kërkim
16 Dhjetor, 10:57 -
Vlorë/ Shpërndanin kanabis në doza, arrestohen 3 persona, shpallet në kërkim një tjetër
15 Dhjetor, 13:50 -
Vlorë/ Shfrytëzonte të rinj nga Ukraina bashkë me 4 të tjerë, i rekrutonin si shpërndarës droge, vihet në pranga 24-vjeçari
15 Dhjetor, 11:29 -
Vlorë/ Vodhën para në një banesë, bagëti dhe koshere bletësh, zbardhen 6 raste vjedhjesh në Dukat, Radhimë dhe Orikum, në pranga 2 autorët
15 Dhjetor, 10:59 -
Fieri e Vlora pa tregje, gjelat e detit shiten në akset nacionale! Fermerët: Vështirësi për t’i rritur, u shtrenjtua misri
15 Dhjetor, 07:50
-
Të miturit në Vlorë mes makinave në rrugë për një sfidë Tik-Toku (VIDEO)
14 Dhjetor, 15:18 -
Vlorë, 14 vjeçarit i gjejnë pistoletë me 130 fishekë, i mituri do të hetohet në gjendje të lirë
14 Dhjetor, 13:38 -
Në kërkim për vjedhje dhe dhunë në familje, 2 të arrestuar në Vlorë
14 Dhjetor, 11:48
