POP 5

Lajmet më të lexuara të 5 minutave të fundit

Kronikë

I morën klinikës private 30 mijë lekë që mos ta gjobisin, nis gjykimi për 3 ish-zyrtarët, mes tyre edhe vëllai i ish-presidentit Nishani! Në gjykim edhe 2 mjekë

GJKKO kaloi për gjykim 3 ish- Inspektorë të Ministrisë së Mjedisit dhe 2 mjekë të akuzuar për korrupsion. Mes inspektorëve, është Ilir Nishani, vëllai i ish-Presidentit Bujar Nishani, si dhe Genci Hicka e Gerson Tafa pasi kishin kërkuar 30 mijë lekë klinikës ‘Luis Medikal’ që mos t’u vendosnin gjobë.

I morën klinikës private 30 mijë lekë që mos ta gjobisin, nis gjykimi për 3 ish-zyrtarët, mes tyre edhe vëllai i ish-presidentit Nishani! Në gjykim edhe 2 mjekë

Ilir Nishani

Gjykata e Posaçme ka kaluar për gjykim 3 ish- Inspektorë të Ministrisë së Mjedisit dhe 2 mjekë.

Bëhet fjalë për inspektorët, Ilir Nishani, vëllain e ish-Presidentit Bujar Nishani, Genci Hickën dhe Gerson Tafën që akuzohen për korrupsion pasiv dhe dy mjekët, Kostandin Balloma dhe Besim Boçi. Këta dy të fundit do gjykohen për korrupsion aktiv.

Hicka, Tafa dhe Nishani u kishin kërkuar klinikës "Luis Medikal", ku punonin Balloma dhe Boçi, 30 mijë lekë në mënyrë që të mos i gjobisnin për mungesën e trajtimit të mbetjeve spitalore.

Ka qenë vetë mjeku Kostandin Balloma që i ka kallëzuar 3 inspektorët, pasi u dha pagesën që ata kishin kërkuar në vlerën e 30 mijë lekëve.

Disa ditë pasi SPAK njoftoi mbylljen e hetimeve dhe i mori të pandehur inspektorët, Gjykata e Posaçme, e përfaqësuar nga gjyqtari Erion Bani, ktheu për të dytën herë aktet në ngarkim të tyre.

Gjykata i kërkoi prokurorit që të marrë të pandehur edhe dy mjekët, dosja e të cilëve u kalua sot për gjykim.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Scholz: Siguria dhe stabiliteti i Ballkanit Perëndimor nuk mund të merren si të mirëqena

Scholz: Siguria dhe stabiliteti i Ballkanit Perëndimor nuk mund të merren si të mirëqena

7 Maj, 23:04