Ministrja e Drejtësisë, Etilda Gjonaj, në cilësinë e Koordinatores së Task Forcës Antikorrupsion, bëri të ditur këtë të mërkurë se rekomandimet kryesore të Transparency International për rajonin tonë, sa i takon luftës kundër korrupsionit, janë vendosur tashmë në zbatim si pjesë e politikave parandaluese të qeverisë. Ajo i cilësoi rekomandimet e Transparency International si një parakusht për suksesin në luftën kundër korrupsionit dhe rritjen e perceptimit të publikut.
“Në këtë raport i jepet meritë Shqipërisë lidhur me ndërmarrjen e një sërë reformash nga qeveria të cilat ndihmojnë në luftën kundër korrupsionit por që për shkak të bllokimeve herë pas here të politikës, zbatimi i tyre është vonuar”, tha më tej Gjonaj.
Koordinatorja e Task Forcës Antikorrupsion solli në vëmendje rezultatet e arritura nga kjo Task Forcë në tetë muajt e fundit gjatë inspektimeve të zhvilluara në institucione të ndryshme.
“Ngritja dhe funksionimi i strukturave të posaçme për hetimin dhe inspektimin administrativ siç është Task forca antikorrupsion në bashkëpunim me të gjitha organet ligjzbatuese kanë shënuar rezultate të larta lidhur me luftën kundër korrupsionit ku vetëm për periudhën 8 mujore ka rekomanduar 327 masa administrative, 468 masa disiplinore (prej të cilave 108 prej tyre janë largime nga shërbimi civil/largime nga puna për punonjës të administratës publike që kanë shkelur ligjin) si dhe 36 punonjës të kallëzuar penalisht pranë organeve të Prokurorisë, për korrupsion dhe shpërdorim detyre”, u shpreh Gjonaj.
Ajo shtoi se Shqipëria ka marrë deri më tani vlerësime pozitive lidhur me rezultatet e arritura, kryesisht për zbatimin e reformës në drejtësi dhe masat e marra kundër korrupsionit, edhe në një sërë raportesh ndërkombëtare.
Ministrja Gjonaj njoftoi gjithashtu se pas një denoncimi të kryer në platformën e bashkëqeverisjes shqiperiaqeduam.al, Task Forca Antikorrupsion ka kryer një kontroll të detajuar në Drejtorinë Rajonale Tatimore, Vlorë, lidhur me verifikimin e procedurave për faturat tatimore të deklaruara me vonesë, të administruara në periudhën Janar - Tetor 2018 si dhe procedurat e rimbursimit.
“Bazuar në shkeljet e konstatuara Task Forca Antikorrupsion janë rekomanduar 10 masa disiplinore prej të cilave: Largimi nga shërbimi civil i Drejtorit të Drejtorisë rajonale tatimore Vlorë. Largimi nga shërbimi civil i 3 inspektorëve kontrolli të po kësaj drejtorie.
Marrja e masave disiplinore për 6 punonjës, Drejtorin e Kontrollit, përgjegjësin e kontrollit dhe 4 inspektorë kontrolli”, deklaroi Gjonaj duke theksuar se gjetjet e këtij raporti, Task Forca Antikorrupsion do t'i referojë në prokurorinë e rrethit gjyqësor Vlorë, si material shtesë në vijim të kallëzimit të bërë në muajin korrik të vitit 2018 nga Drejtoria e Përgjithshme e Tatimeve, bazuar në rekomandimet e TFA.
Lajme të tjera
-
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Diskutohen në kuvend reformat për institucionet demokratike! Tabaku: S'kemi ende reformë të plotë të Kodit Zgjedhor! PS: Të bashkëpunojmë për platformë konkrete, lini akuzat
20 Shtator, 14:51 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55 -
‘Antikorrupsioni’, Braçe: Kontrolli i figurës së zyrtarëve, me detyrim
19 Korrik, 13:30 -
Braçe dhe Gjonaj propozojnë ndryshime për mbrojtjen nga duhani: Të ndalohet reklamimi në media! Distributorët të mbajnë përgjegjësi
16 Korrik, 10:50 -
Drafti/ Burg kush i shet cigare të miturve! Braçe: Cepat e Kuvendit plotë bishta, ekspertët e shëndetit e pinë vet
10 Qershor, 15:57
-
KiE vendime historike për Shqipërinë dhe Kosovën, Gjonaj: Reforma në drejtësi ka vlerësim maksimal! SPAK sulmohet pasi është në rrugën e duhur
17 Prill, 18:22 -
DRAFTI/ Kush u shet cigare të miturve burg deri 8 vite! Dënohen me 16 vite nëse shitja e paligjshme sjell vdekje
10 Prill, 20:50
-
Përfaqësuesja e parë nga Shqipëria, Etilda Gjonaj zgjidhet Raportuese e Përgjithshme për dhunën ndaj grave në Asamblenë e KiE
18 Tetor 2023, 16:03 -
Kërcënimet ndaj prokurorëve dhe gjyqtarëve, Etilda Gjonaj: T'u jepet më shumë mbrojtje, qeveria po përgatit kuadrin ligjor
5 Tetor 2023, 19:26 -
Laert Haxhiu donte të eliminonte prokuroren e SPAK, merret në mbrojtje Doloreza Musabelliu pas dëshmisë së të penduarit
1 Tetor 2023, 10:29
-
Posteri i Këlliçit me gishtin e mesit, Vangjeli në ‘Kontrast’: Vulgar dhe i padobishëm! Lakuriqësi që do t’i kushtojë! Gjonaj: Të tërhiqet nga gara nëse ka dinjitet
26 Prill 2023, 14:25
