POP 5

Lajmet më të lexuara të 5 minutave të fundit

Politikë

Gjonçaj-LLeshit: Qëndro mbi
palët, Kryetarja: Bëra punën

KQZ nis shqyrtimin e rregullores “Për organizimin dhe funksionimin e Komisionit Qendror të Zgjedhjeve”. Kjo ka qenë dhe një nga shqetësimet e ngritura jo vetëm nga përfaqësuesit e partive në KQZ, por dhe vetë OSBE në vendin tonë
TIRANE - Komisioni Qendror Zgjedhor është përfshirë sërish në debate politike mes anëtarëve të KQZ-së dhe përfaqësuesve ligjorë të 2 partive më të mëdha PD e PS për listat me emrat e anëtarëve të KZAZ si dhe rregulloren e KQZ.

Përfaqësuesi i PS-së tha se afatet për listat e anëtarëve duhet të jenë të njëjta për të gjithë dhe se PS i kishte dorëzuar këto lista brenda afatit ligjor që parashikon ligji.
Gjoncaj tha se deklarata e kryetares së KQZ-së bërë më 8 mars PS duke i kërkuar të sjellë emrat e anëtarëve të KZAZ, është politike.

 “Nuk jam përdorur politikisht. Bëra punën time. Lista që keni sjellë jo në afatin e duhur kohor, KQZ e ka vlerësuar të mangët sepse sepse lista nuk shoqërohet me dokumentacionin përkatës. Po përgatis një letër drejtuar PS për të plotësuar atë listë.”- u përgjigj Lleshi.


KQZ mori në shqyrtim edhe rregulloren “Për organizimin dhe funksionimin e Komisionit Qendror të Zgjedhjeve”. Kjo ka qenë dhe një nga shqetësimet e ngritura jo vetëm nga përfaqësuesit e partive në KQZ, por dhe vetë OSBE në vendin tonë.

Përfaqësuesi ligjor i  PS-së, Genc Gjoncaj vlerësoi si domosdoshmëri krijimin e një rregulloreje të unifikuar. Edhe Albana Shtylla përfaqësuesja e PS-së tha se “Rregullorja parashikon të drejtat e anëtarëve KQZ, rregullon marrëdhëniet mes anëtarëve KQZ dhe administratës,  por dhe për të shmangur situata të pakëndshme që kemi provuar gjatë këtyre muajve”.

Sipas administratës së KQZ, projekt-Rregullorja e riparaqitur ka disa përmirësime si dhe janë pasqyruar sugjerimet e ekspertit të Komisionit të Venecias.
“Ky akt përcakton rregulla mbi organizimin dhe funksionimin e KQZ-së duke përfshirë: kompetencat e kryetarit dhe Zv.kryetarit të drejtat dhe detyrimet e anëtarit të KQZ-së, procedurat për thirrjen, njoftimin dhe zhvillimin e mbledhjeve të KQZ-së gjatë periudhës zgjedhore dhe asaj jozgjedhore, procedurat e vendimmarrjes, të drejtat dhe detyrimet e përfaqësuesve të partive politike në KQZ, mënyrën e marrjes dhe të administrimit të financimeve të aktivitetit të KQZ-së, si dhe rregullat mbi krijimin, administrimin dhe ruajtjen e dokumentacionit në KQZ.

Në parim KQZ vendosen të kalojnë një rregullore te re, për të cilën administrata do të punojë për ndërtimin e variantit te saj deri të premten, kur KQZ do të zhvilloje mbledhjen e radhës.

Po sot ekipi i vëzhguesve i ODIHR që po qëndron në Tiranë u takua me kryetaren dhe nënkryetarin e KQZ-së, Lefterie Lleshi dhe Denar Biba.

Redaksia Online
(sg./shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

VIDEO/ Si askush tjetër, Cristiano Ronaldo shënon gol për të 24-tin vit radhazi

VIDEO/ Si askush tjetër, Cristiano Ronaldo shënon gol për të 24-tin vit radhazi

10 Janar, 14:04