Gjosha me ambasadoren greke:
Sukses në bashkëpunimin ndërkufita

Ministrja e integrimit Europian, Klajda Gjosha, priti sot në një takim kortezie,  Ambasadoren e Greqisë Eleni Sourani.

Gjosha  vlerësoi bashkëpunimin  me Greqinë, veçanërisht projektet e përbashkëta të cilat kanë rezultuar të suksesshme për banorët e  zonave ndërkufitare ku ato shtrihen.

Gjosha shprehu falënderimet për mbështetjen që Greqia i ka dhënë Shqipërisë me procesin e integrimit, duke nënvizuar se ky proces është i pakthyeshëm për vendin.

Bashkëbisedueset diskutuan  për rëndësinë e  reformës në drejtësi në procesin e integrimit.  Ambasadorja Sourani,  vlerësoi kalimin e kësaj reforme me konsensus duke e cilësuar si një hap përpara në zhvillimin e  Shqipërisë.

Gjosha nënvizoi se Shqipëria është e angazhuar maksimalisht të ndërmarrë të gjitha reformat në mënyrë që  të avancojë me axhendën evropiane.

Ministrja u shpreh se pavarësisht të gjitha krizave që ka kapërcyer Europa e Bashkuar, Shqipëria beson te projekti evropian dhe është e vendosur t’i bashkohet BE-së me të drejta të plota.
 
Redaksia Online
(F.T/shqiptarja.com)