Gjosha në Danimarkë Reforma në Drejtësi, çelësi vendit drejt BE

Danimarka do të mbështesë Shqipërinë në rrugën e saj drejt integrimit në Bashkimin Europian, por ajo duhet të vijojë me reformat e mbi të gjitha me Reformën në Drejtësi e cila është çelësi i hapjes së portave për anëtarësim.

Kjo ka qenë mbështetja që ka marë Ministrja Klajda Gjosha nga Sekretari i Përhershëm i Shtetit për Punët e Jashtme z. Ulrik Vestergaard  Knudsen. 



Gjatë takimit Ministrja Gjosha tha se qeveria shqiptare është e vendosur të ndërmarrë të gjitha reformat që i shërbejnë proçesit të integrimit, por mbi të gjitha rritjes së standardeve  të vendit. 

Ajo informoi për ecurinë e 5 prioriteteve duke u ndalur tek reforma në drejtësi, e cila është çelësi për të kaluar në fazën e radhës së procesit që është hapja e negociatave duke theksuar se, ekspertiza ndërkombëtare nga çdo shteti i Bashkimit Europian, është e mirëpritur dhe do të ndihmonte për një reformë edhe më të plotë në sistemin e drejtësisë. 

Knudsen,  vlerësoi progresin që Shqipëria ka bërë me reformat duke u shprehur se Danimarka do të mbështesë prespektivën europiane të Shqipërisë.

Gjosha është takuar edhe me anëtarët e Komisonit Parlamentar për Cështje Europiane të cilët kanë theksuan nevojën për vijimësinë e reformave si e vetmja rrugë për ta parë Shqipërinë pjesë të Europës jo vetëm gjeografikisht.

Redaksia Online
(F.T/shqiptarja.com)