POP 5

Lajmet më të lexuara të 5 minutave të fundit

Opinion

Gjykatës të përlyer me gjak

Nuk është e thënë që të jesh doraci që të quhesh vrasës. Vrasës janë edhe ata që urdhërojnë ekzekutimin e kundërshtarëve të tyre. Vrasës janë edhe ata gjyqtarë që me vendimet e tyre skandaloze lirojnë nga burgjet kriminelë që kanë vrarë në mes të ditës dhe u japin ndëshkime qesharake. 
Gjykatës të përlyer me gjak
Nuk është e thënë që të jesh doraci që të quhesh vrasës. Vrasës janë edhe ata që urdhërojnë ekzekutimin e kundërshtarëve të tyre. Vrasës janë edhe ata gjyqtarë që me vendimet e tyre skandaloze lirojnë nga burgjet kriminelë që kanë vrarë në mes të ditës dhe u japin ndëshkime qesharake.

Sot Presidenti i Republikës njëkohësisht Kreu i Këshillit të Lartë të Drejtësisë duhet të shkarkojë gjyqtarët që liruan personin që në 2011-n i mori jetën një 22-vjeçari. Sot kryeprokurori duhet të japë urdhër-arrest për këta gjykatës të korruptuar.

Sot policia duhet t'i arrestojë dhe t'i vendosë pas hekurave këta sekserë të Drejtësisë. Pas dy vitesh burg ky individ u la i lirë dhe ja ku jemi sot duke numëruar viktimat në rrugët e përgjakura të Tiranës.

Dy vjet dënohet dhe një person që ka vjedhur pula në ndonjë kotec, dy vjet dënohet edhe një i papunë që ka vjedhur energji se s’ka lekë ta paguajë atë. Nëse nuk dënohen këta gjykatës që japin padrejtësi në dyert e gjykatave kjo histori do përsëritet e ripërsëritet.

Ata katër viktima sot në rrugë nuk i vrau Konstandini i cili është i dyshuari kryesor, por gjykata që e la të lirë. Kot që lodhet policia duke arrestuar kriminelët pasi togat e zeza i nxjerrin të lirë dhe të panjollosur. Policia nga ana e saj nuk duhet të humbasë energjitë duke bërë kontrolle nëse shoferët kanë fasho dhe jod në makinë, por të bëjnë kontrolle për armë, të piketojnë kriminelët që bredhin të lirë lart e poshtë.

Nëse parkon keq makinën, për 5 minuta e ke gjobën mbi xham, atëherë si ka mundësi që policia nuk është kaq efiçente edhe me kriminelët siç janë me popullin e thjeshtë?! Shteti me vullnet vendosi të hynte në Lazarat dhe e arriti. Shteti me vullnet vendosi t'i japë fund vjedhjes së energjisë dhe shpresojmë t'ia dalë. Por shteti para vjedhësve të energjisë elektrike duhet të bëjë një aksion më të madh, më jetik, të pastrojë rrugët nga kriminelët.

Të pastrojë gjykatat nga togat e zeza të zhytur deri në grykë me padrejtësi dhe korrupsion. Në të kundërt shqiptarët do i gjeni ose duke kërkuar azil politik, aq shumë janë shtuar kërkesat saqë rrezik BE do na rivendosë vizat, ose duke aplikuar për llotari amerikane ose ose të shtrirë në rrugë si katër të vrarët sot te Rruga e Elbasanit.

Redaksia Online
(Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01