POP 5

Lajmet më të lexuara të 5 minutave të fundit

Kronikë

Gjykata: 5 mln lekë gjobë Tahirit
shpifi për Argitën e Shkëlzenin

Vendimi është dhënë sot rreth orës 13.00 kur trupi gjykues ka marrë masën për Tahirin, i cili akuzohet për shpifje ndaj fëmijëve të kryeministrit. Përfaqësuesi ligjor i fëmijëve kërkoi 8 milion lekë gjobë për deputetin socialist.
Gjykata: 5 mln lekë gjobë Tahirit<br />shpifi për Argitën e Shkëlzenin
TIRANË - Gjykata e Faktit ka dënuar me 5 mln lekë gjobë deputetin socialist Sajmir Tahiri në gjyqin përballë fëmijëve të kryeministrit Berisha, Argita dhe Shkëlzen Berisha. Vendimi është dhënë sot rreth orës 13.00 kur trupi gjykues ka marrë masën për Tahirin, i cili akuzohet për shpifje ndaj fëmijëve të kryeministrit. Avokati i fëmijëve kërkoi 8 milion lekë gjobë për deputetin socialist pas procesit të nisur pak ditë pas deklaratave të Tahirit në sallën e Kuvendit të Shqipërisë.

AKUZAT E TAHIRIT
Deputeti socialist Sajmir Tahiri paraqiti javë më parë në Gjykatën e Tiranës argumentat në bazë të të cilave ai ka deklaruar se fëmijët e kryeministrit Berisha janë të korruptuar. Mbi bazë të kësaj deklarate, Argita dhe Shkëlzen Berisha muaj më parë paditën penalisht deputetin Tahiri për shpifje.
Në sallën e gjyqit, Tahiri, i cili shoqërohej nga deputeti tjetër Eduard Shalsi ka renditur 12 prova, të cilat sipas tij faktojnë korrupsionin galopant të djalit dhe vazjës së kreut të qeverisë.
Ai ka kërkuar që të merren parasysh këto prova:
1. Administrimin nga Inspektoriati i Lartë i Deklarimit të Pasurisë me cilësinë e provën nga Gjykata të Deklaratës së Pasurisë së shtetases Argita Sali Berisha, dhe përkatësisht deklaratën e pasurisë për vitin 2004, 2005, 2006, 2007, 2008, 2009, 2010, 2011
2. Ekstrakti historik nga Regjistri i QKR për firmën “Malltzi dhe Kola”nga data e regjistrimit për herë të parë e deri sot
3. Të dhënat për pagesën tatimore nga Drejtoria e Tatim Taksave Tiranë për studion “Malltezi dhe Kola” nga fillimi i ushtrimit të aktivitetit deri më sot
4. Të dhëna mbi transaksioninmbi pasurinë e paluajtshme nga Zyra e Regjistrimit të Pasurive të Paluajtshme Durrës për tokën në Porto Romano mbi të cilën ka një studim për ndërtim termocentralit Porto Romano
5. Studimi i Qeverisë Shqiptare për ndërtimin e Termocentralit në Porto Romano sipas miratimit të tij në KRTRSH dhe në Qeveri nqs ka
6. Studimi dhe miratimi i planit për ndërtimin e parkuti industrial nga qeveria shqiptare në Porto Romano, dosje e plotë sic është miratuar
7. Studimi i KESH dhe dosja e plotë për ndërtimin e termocentralit në Porto Romano dhe, eventualisht nëse ka, për parkun industrial
8. Letërkëmbimi elektronik dhe postar ndërmjet studios ligjore “Malltezi dhe Kola” dhe shtetasit Zafar Asnar, biznesmeni që kemi mësuar se ka pasur një marrdhënie konsulence me këtë studio.
9. Administrimin nga Inspektoriati i Lartë i Deklarimit të Pasurisë me cilësinë e provën nga Gjykata të Deklaratës së Pasurisë së shtetases Shkelzen Sali Berisha, dhe përkatësisht deklaratën e pasurisë për vitin 2004, 2005, 2006, 2007, 2008, 2009, 2010, 2011
10. Ekstrakti historik nga Regjistri i QKR për firmën e ndërmjetësimit të Shkëlzen Sali Berishës nga data e regjistrimit për herë të parë e deri sot
11. Të dhënat për pagesën tatimore nga Drejtoria e Tatim Taksave Tiranë për këtë firmë nga fillimi i ushtrimit të aktivitetit deri më sot.

GËRDECI
Një provë me rëndësi sipas Tahirit është dosja për tragjedinë e Gërdecit, e cila tashmë është e mbyllur nga gjykata e Tiranës.
a. Regjistrin e hyrje daljeve të ministrisë së mbrojtjes dhe ministrisë së drejtësisë ku pasqyrohen hyrje daljet e Shkëlzen Sali Berishës në këto ministri përpara se të merrte vendim këshilli i ministrave për demontimin e armëve në gërdec
b. Tabulatet telefonike të shtetasit Mihal Delijorgji dhe Fatmir Mediu në lidhje me telefonatat në drejtim të Shkëlzen Berishës para dhe pas tragjedisë të Gërdecit, dhe veçanërisht ditën që ndodhi shpërthimi në Gërdec
c. Shkresën e firmosur nga Ministri i Drejtësisë i asaj kohe, z. Aldo Bumci, me mbishkrimin “për Z. Shkëlzen Berisha”, drejtuar Ministrit të Mbrojtjes së asaj kohë, Z. Fatmir Mediu
d. Mediat e shkruara në të cilat pasqyrohen kabllogramet e një ambasade të huaj këtu në Tiranë, dhe veçanërisht, dëshmia e ish Shefit të Shtabit të Përgjithshëm të Ushtrisë Shqiptare të asaj kohe, Z. Luan Hoxha.
(aq/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

Stafi i Harris: Rezultatet e shteteve kryesore do të shpallen nesër

5 Nëntor, 17:10