POP 5

Lajmet më të lexuara të 5 minutave të fundit

Kronikë

Gjykata e Amsterdamit 40
ditë burg për Arben Frrokun

Gjykata e Amsterdamit 40<br />ditë burg për Arben Frrokun
Biznesmeni Arben Frroku, i dënuar përjetë për vrasjen e ish-kryekomisar Dritan Lamaj, është lënë në masën e arrestit në burg 40 ditor nga Gjykata e Amsterdamit në Hollandë.

Vendimi është marë ditën e djeshme nga një trupë gjykuese e kësaj gjykate dhe se ky afat 40 ditor do të mjaftojë për mbërritjen e lëtërporosisë prej 120 fletësh të autoriteteve shqiptare, të cilat kanë kërkuar ekstradimin e Frrokut në Shqipëri.

Frroku u ndalua më datë 19 qershor 2015, në kufirin mes Malit të Zi dhe Kroacisë, pasi rezultonte në kërkim në bazë të urdhër-arrestit të parë të lëshuar nga gjykata.

Hetuesit verifikojnë sistemin TIMS, por Frroku nuk rezulton i regjistruar as në dalje e as në hyrje. Mirëpo pas marjes së konfirmimit se Frroku nuk ishte më në kërkim pasi kishte një vendim pafajësie, ai është lënë sërish i lirë nga autoritet malazeze.

Largimi i tij është bërë vetëm 4 ditë para vendimit në Gjykatën e Apelit për Krime të Rënda, vendim i cili është ndjekur vetëm nga avokatët e Frrokut dhe jo i pandehuri.

Pas këtij vendimi, Frroku nuk është ndjerë më dhe se nuk është mësuar as vendodhja e tij. Vetëm pak ditë më parë ai u arrestua në Hollandë, pasi dyshohej se kishte falsifikuar një pasaportë greke.

Bëhet fjalë për pasaportën me emër të rremë Renata Tcepa nga Korça. Vetë ky person ka reaguar në media duke pohuar se nuk kishte asnjë dijeni se në çfarë rrethanash kishte ndodhur vjedhja e identitetit të tij nga Arben Frroku.

Pritet që në ditët në vijim Frroku t'i nënshtrohet një procedure gjykimi me qëllim ekstradimin e tij në Shqipëri, pasi është dënuar me burgim të përjetshëm.

Redaksia online
(u.s/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Parashikimi i motit, e enjte, 26 dhjetor

Parashikimi i motit, e enjte, 26 dhjetor

26 Dhjetor, 07:43