Ish-Presidenti amerikan, Donald Trump, nuk ka imunitet presidencial dhe mund të ndiqet penalisht në lidhje me akuzat për komplot me qëllim përmbysjen e rezultatit të zgjedhjeve të vitit 2020.
Gjykata e Apelit në Uashington hodhi poshtë të martën pretendimet e Trump se ai është imun nga ndjekja penale për aktet e dyshuara kriminale që kreu si president në përpjekje për të përmbysur zgjedhjet e vitit 2020 në një zinxhir ngjarjesh që çuan në sulmin e 6 janarit në Kapitol.
Avokatët e Trump argumentuan se ish presidentët mbrohen nga ndjekja penale për veprimet e tyre zyrtare nëse nuk janë fajësuar nga Dhoma e Përfaqësuesve. Megjithatë, gjykata e hodhi poshtë këtë pretendim, duke nënvizuar pasojat e mundshme të një imuniteti kaq të gjerë, raporton BBC.
Ish-presidenti pritet të apelojë kundër vendimit, që do të thotë se çështja mund të shkojë përfundimisht në Gjykatën e Lartë, ku konservatorët kanë një shumicë 6-3.
Rasti është një nga katër ndjekjet penale me të cilat përballet Trump, edhe pse ai mbetet kandidati kryesor i supozuar për nominimin presidencial republikan.
Aktakuza, e ngritur nga Prokurori i Posaçëm Jack Smith, akuzon Trump për presion ndaj ligjvënësve të shtetit, zyrtarëve të Departamentit të Drejtësisë dhe nënpresidentit të atëhershëm Mike Pence për të penguar certifikimin e rezultatit të zgjedhjeve duke përdorur pretendime të rreme për mashtrim të votuesve.
Donald Trump
Ekipi i ish-Presidentit amerikan, Donald Trump, iu përgjigj vendimit se ish-presidenti nuk është i imunizuar nga ndjekja penale për krimet e dyshuara që ai kreu gjatë presidencës së tij për të ndryshuar rezultatet e zgjedhjeve të 2020.
"Nëse imuniteti nuk i jepet një presidenti, çdo President i ardhshëm që largohet nga detyra do të paditet menjëherë nga pala kundërshtare. Pa imunitet të plotë, një President i Shteteve të Bashkuara nuk do të ishte në gjendje të funksiononte siç duhet!", tha Steven Cheung, raporton CNN.
Ai tha se Donald Trump do të apelonte vendimin, ku gjithashtu bëri apel për mbledhjen e fondeve pas vendimit.
Gjykata i ka dhënë Trumpit afat deri më 12 shkurt për të paraqitur një kërkesë urgjente për apelim në Gjykatën e Lartë. Nëse Trump nuk apelon vendimin, çështja do të kthehet në gjykatën e nivelit gjykues në Uashington, DC, sa më shpejt që javën e ardhshme për të vazhduar gjykimin e tij.
Lajme të tjera
-
NBA/ LeBron fiton 'betejën' me Curry-n, mposhten kampionët e Boston
26 Dhjetor, 13:51 -
Fluturimi i dronit në Shtëpinë e Bardhë, urimet e fundit për festat e fundvitit të Biden për amerikanët
26 Dhjetor, 11:52 -
Pesë pyetje për 2025-ën
26 Dhjetor, 08:23 -
Realizohet me sukses teleportimi i parë kuantik, na afron më shumë me të ardhmen!
25 Dhjetor, 21:44 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06
