Gjykata e Durrësit në kolaps, zvarriten gjyqet! Çera: 11 gjyqtarë kanë mbi 5 mijë dosje! Godina e rrënuar, nuk ofron siguri

Për herë të parë në një dalje publike, zv/kryetari i gjykatës së Durrësit, Paulin Çera që ushtron detyrën e kryetarit ngriti shqetësimin e madh të zvarritjes së gjyqeve. Vetingu ka përgjysmuar stafin e magjistratëve. Aktualisht në Durrës janë 11 gjyqtarë nga 23 që ka në organikë.

“Organika e Gjykatës e miratuar nga KLGJ parashikon 23 Gjyqtarë, ku aktualisht ushtrojnë detyrën efektivisht vetëm 11 Gjyqtarë. Përveçse Gjykata aktualisht punon me gjysmën e kapacitetit në burime njerëzore, sjellim në vëmendje tendencën gjithnjë e në rritje të çështjeve për gjykim. Gjithashtu edhe zgjerimi i juridiksionit të kësaj Gjykate me 4 Bashki, ngarkon gjyqtarët dhe të gjithë administratën përtej standardeve normale të punës”, tha Çera.

Ngarkesa e madhe ka renduar gjyqtarët të cilët punojnë përtej kapaciteteve për zbardhjen e vendimeve në kohë.

“Mesatarisht në ditë një gjyqtar i kësaj gjykatë gjykon nga 10 seanca deri në 32 seanca gjyqësore në ditë. Ngarkesa e secilit gjyqtar arrin deri në 660 çështje në gjykim”, shton ai.

Qytetarët e Durrësit nuk mund të marrin drejtësi në kohën e duhur, tha kryegjyqtari teksa rendit faktorët.

“Mungesa e burimeve njerëzore (mungesa e gjyqtarëve nëorganikë); Rishortimi disa herë i çështjes për shkak të ndryshimit tëtrupit gjykues (ndryshimi i gjyqtarëve për shkak tëvettingut, lëvizjeve paralele, dorëheqjeve, transferimit tëgjyqtarëve, etj.) Rritja ndjeshëm e numrit të çështjeve që vijnë për gjykim”, u shpreh me tej kryetari i komanduar i gjykatës.

Një shqetësim tjetër është infrastruktura. Godina e gjykatës së Durrësit është e rrënuar, ndaj i kërkojnë Ministrisë së Drejtësisë dhe KLGj-së ndërtimin e një godine të re.

“Ambientet e godinës ekzistuese janë të pamjaftueshme për ushtrimin e detyrës si nga ana e gjyqtarëve ashtu dhe administratës gjyqësore për garantimin e transparencës, trajtimit dinjitoz e solemn të qytetarëve në kërkesat e tyre apo seancat gjyqësore.

 Këto salla nuk e garantojnë këtë siguri për arsye të madhësisë, pikëpamjes teknike dhe pozicionimit të tyre. Dy nga sallat e gjykimit nuk kanë as dhomë këshillimi dhe gjyqtarët kur hyjnë dhe dalin në sallë ndodhen në të njëjtin ambient me qytetarët, çka nuk garanton nivelet minimale të sigurisë të gjyqtarëve”, vijon ai.

Është emergjente tha Çera si ndërtimi i godinës së re ashtu dhe plotësimi i organikës me magjistratë të rinj. Aktualisht pranë kësaj gjykate janë në gjykim 3517 çështje civile dhe 1886 çështje penale.

R.D/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 14/06/2024 01:04

    Situata emergjente, kerkojne zgjidhje emergjente.Vetingu dhe qethja e hartes gjyqesore po sjell probleme kudo,por mbi te gjitha jane gjykimet,rigjykimet e apelimet qe po e veshtiresojne ndonjehere situaten artificialisht.Pavaresisht rregullave te drejtesise,une mendoj qe per disa raste duhen anashkaluar e mbyllur ceshtjet per te c'bllokuar situaten.P.sh. kemi rastet e Belerit,Salianjit qe jane denuar me nga dy e nje vit burg respektivisht,po humbet kohe e cmuar me apelime e sterapelime per denime kaq minimale,apo nje rast tjeter,ne mos gaboj nje ish-bashkiak,se nuk me kujtohet mire para ca ditesh, qe e kishte mbaruar denimin e me sa duket kerkonte pafajesine por humbi.Une permenda vetem keto raste si me te spikaturit,por sa raste te tilla ka ne te gjitha gjykatat e vendit?!Denime minimale qe nga ato me muaj e deri tek ato me nje e dy vjet burg,qe fale dhe gjykimit te shkurtuar katandisen ne denime qesharake.Pikerisht,per raste te tilla nuk duhet lejuar me shume se nje apelim dhe ceshtjet duhen mbyllur ne gjykata e duhet lejuar mbarimi i denimit minimal qe eshte dhene e nuk duhet vazhduar me me apelime e kunderapelime pa fund,ose te pakten,derisa te jete lehtesuar situata ne gjykata.

    Përgjigju
  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Minella Aleksi: Të jetosh një gënjeshtër

Minella Aleksi: Të jetosh një gënjeshtër