POP 5

Lajmet më të lexuara të 5 minutave të fundit

Kronikë

Gjykata e Lartë shkel ligjin për
afatet e çështjeve administrative

Fshehja e 300 dosjeve në gjykatën e Tiranës duke mos u dërguar për rekurs në gjykatën e lartë nuk është skandali i vetëm që ka prekur drejtësinë shqiptare. VIDEO
Vonesa nga një vit deri në një dekadë për marrjen e një vendimi drejtësie në kolegjin administrativ në gjykatën e lartë u prezantuan këtë të premte nga qendra për çështjet e informimit publik.

Sipas kreut të kësaj qendre Gerti Shella, sistemi i drejtësisë është cenuar pasi vetë gjykatat administrative u krijuan për të dhënë një drejtësi brenda afateve por në studimin e çështjeve 2015-2016 rezulton se ka tejkalime që shkojnë deri në shekuj pritje.

“Për çështje që Gjykata e Lartë vendimoi në vitin 2010 janë konsumuar përtej këtij afati, 16 shekuj kohë e konsumuar për subjektet që bënë rekurs  në Gjykatën e Lartë përtje afatit ligjor që ligji u garanton atyre”, është shprehur Shella

Vetë gjykata e lartë e ka pranuar disa herë se në arkivin e saj të sekretarisë ku pranohen rekurse janë mbi 19 mijë dosje që presin për tu shqyrtuar. Por kjo gjykatë aktualisht funksionon vetëm me gjysmën e anëtarëve pasi nga 19 që duhet të jenë ushtrojnë detyrën vetëm 10.

Një tjetër shqetësim i faktuar në studimin e InfoCip është dhe afati i dorëzimit të vendimeve të arsyertura.

“Vendimi është marrë, gjyqtarët për një motiv nuk janë ulur të bëjnë arsyetimin e vendimit dhe dosja është vonuar për tu disponuar përmes sekretarisë dhe për tu kthyer në gjykatat ku ajo ka origjinuar dhe ka ardhur si rekurs në Gjykatën e Lartë. Është një fakt i cili gjithashtu është shqetësues po të kemi parasysh se ligji 49/ 2012 parashikon se vendimi i kolegjit administrativ do të shpallet. Ne nuk gjejmë arsy të forta se përse kur dispozita ligjore kërkon vendime të arsyetuara të kemi vonesa që kapin edhe rendin e 180 ditëve”, tha Shella.

Gjykatat administrative u krijuan me ligj në vitin 2012 duke përcaktuar afate për shqyrtim nga 10 deri në 30 ditë, por në terren ka ndodhur e kundërta duke sjellë pasoja ku vetë drejtësia shkel ligjin duke krijuar një situatë unike në botë e për pasojë dhe një mosbesim tek qytetarët për të gjetur zgjidhje ligjore.

Redaksia online
D.T/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03