POP 5

Lajmet më të lexuara të 5 minutave të fundit

Politikë

Gjykata e Tiranës regjistron Berishën si kryetarin e PD-së

Gjykata e Tiranës njeh zyrtarisht Berishën si kryetar të Partisë Demokratike. Ky vendim është reflektuar në një dokument zyrtar të siguruar nga gazetarja Danjela Maloku.

Gjykata e Tiranës regjistron Berishën si kryetarin e PD-së

Sali Berisha dhe vërtetimi i Gjykatës

TIRANË - Pas marrjes së vulës, tashmë Sali Berisha njihet zyrtarisht si kryetar i Partisë Demokratike nga Gjykata e Shkallës së Parë të Tiranës.

Ky vendim është reflektuar në një dokument zyrtar të siguruar nga gazetarja Danjela Maloku.

Dokumenti i lëshuar nga sekretarja e regjistrit të partive politike, Besa Korbeci, ku thotë qartë se kryetar i PD-së është Sali Berisha.

Ky zhvillim vjen pas një periudhe të gjatë përplasjesh ligjore dhe politike brenda Partisë Demokratike për çështjen e drejtimit të saj.

Konflikti për kreun e PD-së nisi pas përjashtimit të Berishës nga grupi parlamentar nga ish-kryetari Lulzim Basha, si pasojë e shpalljes së tij "non grata" nga SHBA në vitin 2021. Ky veprim shkaktoi ndarje të thella brenda partisë dhe përshkallëzoi përplasjet politike dhe juridike.

Pas një sërë kuvendesh dhe referendumeve të organizuara nga mbështetësit e Berishës, në dhjetor të vitit 2021, u deklarua përmbysja e vendimeve të Bashës dhe zgjedhja e Berishës si lider i PD-së. Ky vendim u sfidua në gjykatë nga palët rivale, duke rezultuar në një betejë të gjatë ligjore për vulën dhe drejtimin zyrtar të partisë.

Vendimi i fundit nga Gjykata e Tiranës, i reflektuar në dokumentin e firmosur nga sekretarja e regjistrit të partive politike, vulos zyrtarisht drejtimin e PD-së nga Berisha. Kjo ngjarje mbyll një kapitull të rëndësishëm konfliktesh brenda partisë, duke i dhënë Sali Berishës legjitimitetin për të udhëhequr Partinë Demokratike.

 

G.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fatmut Gaxhi Mērsepe Çafai: 11/12/2024 16:07

    Tani Edi Rama e ka tē sigurt fitoren me ktė lloi monstre me emrin Sali Sheqere Bajga.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03