POP 5

Lajmet më të lexuara të 5 minutave të fundit

Bota

Gjykata Europiane: Dhuna në familje është arsye për azil! Gratë e ekspozuara ndaj dhunës përfitojnë mbrojtje shtesë

Dhuna në familje njihet tashmë ligjërisht si një arsye për të kërkuar azil. Vendimi i gjykatës Europiane për drejtësinë parashikon mbrojtje shtesë edhe në rastet kur gruaja nuk përmbush kriteret për statusin e azilantit.

Nëse gratë janë të ekspozuara ndaj dhunës në familje, ato mund të kërkojnë azil ose mbrojtje në një shtet tjetër, ishte vendimi më i fundit i Gjykatës së Drejtësisë së Bashkimit Evropian.

Sipas kësaj gjykate, grave mund t'u jepet statusi i azilit nëse në vendin e tyre të origjinës kërcënohen nga dhuna fizike ose psikologjike, duke përfshirë dhunën seksuale dhe në familje.

Vendimi u mor pas shqyrtimit të çështjes së një gruaje turke me origjinë kurde, e cila kërkoi azil në Bullgari duke arsyetuar se e kishte martuar familja me detyrim dhe se i shoqi e kishte kërcënuar dhe rrahur. Ajo kishte shprehur shqetësimin se nëse do të kthehej në Turqi, do t'i rrezikohej jeta, ndaj gjykata vlerësoi se ajo është e kërcënuar për tu vrarë për nder.

Gjykata europiane e bën të qartë se nëse gratë në fjalë nuk i plotësojnë kriteret e refugjatëve, atyre mund t'u jepet mbrojtje shtesë. Kjo vlen nëse gratë janë realisht në rrezik për t'u bërë viktima të dhunës apo edhe për t'u vrarë.

Gjykata theksoi se sidomos në rastin e kërcënimeve nga një anëtar i familjes apo bashkësisë së tyre për shkak të një shkeljeje të supozuar të normave kulturore, fetare ose tradicionale gratë mund të përfitojë të drejtën për mbrojtje shtesë.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mimoza: 24/08/2024 21:01

    Prsh edhe un jam e dhunuar nga burri nga gjith familja kam ardh ne franc sme eshte pranuar azili me eshte dhen ta leshoi francen ku mund td drejtohem

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

Greqia nderon Anastasin, sot shërbesa e liturgjisë hyjnore në Mitropolinë e Athinës, merr pjesë dhe kryeministri Mitsotakis

26 Janar, 07:27