POP 5

Lajmet më të lexuara të 5 minutave të fundit

Kronikë

Gjykata lë në burg nënkomisarin
e Rinasit, akuzohet për korrupsion

Arrest me burg është masa e sigurisë dhënë nga Gjykata e Tiranës për nënkomisarin, Kontrollor në Komisariatin e Policisë së Kufirit dhe Migracionit në aeroportin e Rinasit, Eduard Çela i cili akuzohet për shpërdorim detyre dhe korrupsion pasiv.
TIRANE - Arrest me burg është masa e sigurisë dhënë sot nga Gjykata e Tiranës për nënkomisarin, Kontrollor në Komisariatin e Policisë së Kufirit dhe Migracionit në aeroportin e Rinasit, Eduard Çela i cili u arrestua 2 ditë më parë nën akuzën e shpërdorimit të detyrës dhe korrupsionit pasiv.

Gjatë zhvillimit të seancës gjyqësore, pala mbrojtëse nuk i ka pranuar akuzat ndaj Çelmetës.

Në një prononcim për televizionin A1Report, pas përfundimit të seancës, avokati Saimir Visha tha se duhet të merren masa ndaj atyre që arrestuan Çelmetën.

Sipas një njoftimi të Ministrisë së Brendshme “nënkomisar Çelmeta duke përfituar shuma që variojnë nga 400 deri në 500€, ka lejuar kalimin e paligjshëm të kufirit shtetëror në aeroportin e Rinasit, të shtetasve të ndryshëm.”

Vetë i akuzuari i Çelmeta nuk ka pranuar akuzat ndaj tij, ndërsa prokurori i çështjes ka kërkuar vijueshmërinë e hetimeve duke argumentuar pranë gjykatës se “kemi të bëjmë me një vepër e cila është në hetim.”

Pasi dëgjoji palët gjykata, në drejtimin e gjykatëses Elona Gjoka, vendosi të lërë në burg Çelmetën duke i dhënë kohë organit të akuzës të paraqes fakte dhe prova për të vazhduar procesin gjyqësor.

Eduard Çelmeta u arrestua në orët e pasdites së 10 nëntorit nga agjentët e Shërbimit të Kontrollit të Brendshëm në Ministrinë e Brendshme në aeroportin “Nënë Tereza” për shpërdorim detyre e korrupsion pasiv. Arrestimi i tij u bë pas një hetimi intensiv disa mujor nga SHKB.

KUSH ISHTE ÇELMETA
Nënkomisar Eduart Çelmeta, i datëlindjes 14.01.1964, lindur dhe banues në Tiranë ishte me detyrë Kontrollor në Komisariatin e Policisë së Kufirit dhe Migracionit në aeroportin e Rinasit. Arrestimi i 42-vjeçarit u bë për veprat penale, “Korrupsioni pasiv nga personat që ushtrojnë funksione publike” dhe “Shpërdorim i detyrës”, parashikuara nga neni 259 dhe 248 i Kodit penal. Çelmeta ka lejuar kalimin e paligjshëm të kufirit shtetëror në aeroportin e Rinasit të shtetasve të që për arsye të ndryshme nuk duhet të largoheshin nga Shqipëria.

Shërbimi i Kontrollit të Brendshëm i Ministrisë së Brendshme vijon veprime të tjera hetimore, për zbulimin e bashkëpunëtorëve të tjerë të implikuar në këtë veprimtari kriminale.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50