Gjykata Speciale në Kosovë
Majko: Po luhet politikë absurde

Ministri i Shtetit për Diasporën, Pandeli Majko ka reguar lidhur me çështjen më të debatueshme në Kosovë, propizimin e Presidentit, Hashim Thaçi për të shkrirë Gjykatën Speciale për krimet e luftës.

Me anë të një shkrimi shpërndarë në Facebook, Majko thotë se, në Prishinë po luhet një politikë po shkon drejt absurdit e kjo sipas ministrit vjen për shkak se kërkesa për anulimin e Gjykatës Speciale po prodhon paqartësi dhe frikë për të ardhmen.

Sipas opinionit të Majkos, të gjitha çështjet duhet të sihin diskutuar në momentin e rkimit të kësaj gjykate. Ministri shrkon se, në marrëveshjet ndërkombëtare ku vihet në diskutim statusi i shtetit, pendesa nuk ekziston. Në përmbyllje të komentit të tij, ministri i Shtetit për Diasporën thotë se Kosova fitoi Luftën dhe tani duhet të fitojë paqen, në radhë të parë me veten.

Por, ai shton se kjo paqe kalon nga harku i Gjykatës Speciale, që sipas tij, nuk ka trimnf por do të masë karaktere njerëzish më shumë se sa drejtësinë. 

Postimi i plotë i Majkos: 

"HARKU I GJYKATES SPECIALE…

Në Prishtinë po luhet një politikë e cila po shkon drejt absurdit. Kërkesa për anullimin e Gjykatës Speciale po prodhon paqartësi dhe frikë për të ardhmen. Për arsye që kishin kuptim, hyja tek ata që kishin rezerva për krijimin e Gjykatës Speciale për krimet në Kosovë. Arsyetimi nuk qëndronte në mohimin e asaj që ndodhi në Luftën e Kosovës. Ai kishte të bënte me dallimin e përmbajtjes së akteve që serbët dhe shqiptarët kryen kundër njëri tjetrit, sidomos në periudhën e pasluftës. Në këtë histori dallimi i aksionit dhe reaksionit është i rëndësishëm. Ky dallim nuk mund të mbyllet me shprehjen se “krimi është krim, në cdo rast”(!). Edhe kodet penale më moderne e bëjnë dallimin.

Aktualisht, në politikën e Prishtinës kanë filluar, me dhe pa të drejtë, të diskutojnë “drejtësinë” dhe raportin e vështirë historik që krijon Gjykata Speciale për shtetin e Kosovës. Pyetja është, se pse ajo që refuzohet sot, nuk u diskutua dje kur kishte kohën?! Kjo dhe pyetje të tjera kanë kuptim më shumë se sa dhënia e përgjigjeve. Diskutimi që duhej zhvilluar dikur… tani ka një kontekst tjetër. Bllokimi i Gjykatës Speciale po shikohet nga ndërkombëtarët si prishje e një marrëveshjeje ndërkombëtare. 

LEXO EDHE:
Forcat RENEA aksion ‘blic’ në Vlorë, rrethojnë zonën e Ujit të Ftohtë! Kërkohen persona me rrezikshmëri të lartë

Vota për krijimin e Gjykatës Speciale nga Kuvendi i Kosovës nuk ishte një akt "i brendshëm" i sistemit legal të shtetit. Ajo angazhoi Gjykatën e Hagës në një raport zyrtar me shtetin e Kosovës. Edhe për këtë arsye, kjo kontratë ndërkombëtare me emrin "Gjykata Speciale" u shoqërua me ndryshimin e Kushtetutës.

Të gjithë partnerët e Kosovës po bëjnë thirrje sot që të mos vazhdohet në këtë drejtim absurd. Ai do të vendosë shtetin e Kosovës nën akuzë. Dhe ajo, nuk do ti ngjajë deklarimeve të përgjithshme që harrohen nesër. Akuza do fokusohet edhe tek persona të përvecëm të cilët do të izolohen. Dhe ky do të jetë vetëm fillimi.

Jam i bindur se dikush që ka qenë i gatshëm të japë jetën në Luftë, nuk do ti frikësohej asnjë akuze të pabazuar. Shteti i Kosovës nuk është një cështje personale. E kundërta është e vërtetë. E drejta shtetërore nuk diskuton asnjë fat personal. Vendosja e interesit shtetëror mbi fatet e personave, dallon burrat e shtetit nga njerzit e vegjël.

Kush mendon se SHBA, Britania e Madhe dhe Bashkimi Europian do ta përtypin në heshtje një vendim "sovran" për pezullimin e Gjykatës Speciale, gabohet. Amerikanët, sidomos ata, si miq, të duan deri në tejkalim të mardhënies shtetërore. Mos e dhëntë zoti, ti kesh përballë si tradhëtarë të besimit të miqësisë… Me ish-ushtarin e Luftës ata sillen me rregullat e respektit ndaj tij. Ndaj pabesisë nuk kanë rregulla. Pa dallim!

Me shpresë dhe besim uroj që viti 2018 të sjell reflektim në emër të së ardhmes së shtetit të Kosovës për këtë cështje. Në marrëveshjet ndërkombëtare ku vihet në diskutim statusi i shtetit, pendesa nuk ekziston. Kosova fitoi Luftën. Tani duhet të fitojë paqen… me veten. Paqja e Kosovës kalon nga harku i Gjykatës Speciale. Harku i saj nuk ka triumf. Ai do të masë karaktere njerzish më shumë se sa drejtësinë. Sigurisht!"

Redaksia Online
l.q/Shqiptarja.com

Sondazhi i ditës:

Si po përballohet situata e krijuar nga zjarret në vend?

• Mirë

  44.2%

• Keq

  39.7%

• Nuk e di

  16.1%

Vota total: 1397

Votat totale janë unike

• Sondazhi i ditës:

  Si po përballohet situata e krijuar nga zjarret në vend?

  Mirë Keq Nuk e di