POP 5

Lajmet më të lexuara të 5 minutave të fundit

Bota

Gjykata turke i heq statusin muze, Shën Sofia e famshme në Stamboll do të kthehet në xhami

Një gjykatë turke ka anuluar statusin muze të Shën Sofisë në Stamboll, një vend kulturor me famë botërore, duke bërë të mundur që ajo të shndërrohet sërish në një xhami

Gjykata turke i heq statusin muze, Shën Sofia e famshme në Stamboll do të kthehet në xhami

Një gjykatë turke ka anuluar statusin muze të Shën Sofisë në Stamboll, një vend kulturor me famë botërore, duke bërë të mundur që ajo të shndërrohet sërish në një xhami.

Shën Sofia, objekt i Trashëgimisë Botërore të UNESCO-s, e cila ka qenë në zemër si të Bizantit të krishterë ashtu edhe të perandorisë Osmane myslimane, është një nga monumentet më të vizituara të Turqisë.

Shën Sofia mbaroi së ndërtuari në vitin 537 me teknika futuriste për Kostandinopojën e atëhershme.

Ajo ishte katedralja kryesore e Krishtërimit, më e madhja në botë për 900 vjet me radhë dhe u bë xhami osmane në vitin 1453.

Shën Sofia, e quajtur Ayasofya në turqisht, u shndërrua në muze në vitin 1934 nën themeluesin laik të republikës moderne turke, Kemal Ataturk, por çështja që aktualisht ndodhet para gjykatës e sfidon ligjshmërinë e atij vendimi.

Presidenti Tayip Erdogan, një mysliman i devotshëm, ka propozuar kthimin e Shën Sofisë përsëri në xhami.

Ky veprim ngjalli edhe reagimin e Sekretarit të Shtetit Amerikan, Mike Pompeo i cili i kërkoi Ankarasë të tërhiqej nga kjo nismë, por diçka e tillë nuk ka ndodhur.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 11/07/2020 00:01

    Kur do te gjendet nje plumb qorr per Erdoganin,Musolinin eVogel te Turqise? Ai po u ve minat republikes te Ataturkut dhe parimeve mbi te cilat u ngrit.Jemi duke pare fuqizimin e nje diktatori autocrat qe vetem grushti I shtetit,atentati ,kryengritja popullore ose vdekja natyrore do ta shkulin nga posti.Me vjen keq qe z.Rama ka nje miqesi te thelle me nje njeri te tille qe po shkaterron demokracine turke.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57