Gjykatësi që dënoi politikisht
Bollinon i shmanget pyetjeve

TIRANE - Çfarë ka për të fshehur gjykatësi Bledar Abdullai (foto) mbi vendimin e marrë më 23 maj për të dënuar gazetarin Carlo Bollino me një gjobë prej 75.000 euro për një artikull që nuk e kishte shkruar ai dhe për të cilin nuk mbante përgjegjësi? Një dënim politik i marrë në fund të një procesi që u zhvillua dhjetë muaj pa njoftuar aspak Bollinon.

Sot u afruam për të pyetur Bledar Abdullain ndërsa po përgatitej të merrte pjesë në një Kongres të Gjyqtarëve në Tiranë. Por sapo Abdullai njohu mikrofonin e televizionit tonë u friksua dhe refuzoi të përgjigjej pyetjeve që i kërkuam me mirësjellje. 

Gazetari: Z.Abdulla përshëndetje! Keni dhënë një vendim për të dënuar gazetarët? Keni ndonjë koment?
Gjykatësi: Asnjë koment për çështjen
Gazetari: Keni kthyer gjobat për gazetarët? Pse nuk e zbardhni vendimin kur duhen edhe dy ditë? Ku jeni bazuar për këtë gjobë?
 
Kur një gjykatës merr një vendim, nëse e ka marrë me të vërtetë lirisht, duhet të jetë krenar dhe ta mbrojë para të gjithëve, edhe përpara një telekamere, sidomos kur vendimi i tij konsiderohet si vendim politik, i kërkuar nga Qeveria dhe nga Ministri Sokol Olldashi për të goditur një gazetar të pavarur. Por Abdullai, i njohur edhe për vendime të tjera në favor të qeverisë, nuk diti të mbrojë vendimin e tij. Pse?? Cfarë fsheh dhe nuk e thotë dot?

Redaksia online
(sg/shqiptarja.com)

TAG:
• carlo bollino