POP 5

Lajmet më të lexuara të 5 minutave të fundit

Kronikë

‘Plumbi i artë’/ Nuredin Dumani vijon të rrëfehet në GJKKO: Te lokali i Qolëve vinin politikanë dhe ministra! Ndërhynë për të më nxjerrë nga burgu

Seanca për të akuzuarit e dosjen “Plumbi i artë” ka vijuar edhe këtë radhë me dëshminë e bashkëpunëtorit të drejtësisë, Nuredin Dumani, që ka treguar episode të tjera të ngjarjeve kriminale. Të pandehurit kanë reaguar duke e kundërshtuar. Seancat zhvillohen me dyer të mbyllura

‘Plumbi i artë’/ Nuredin Dumani vijon të rrëfehet në GJKKO: Te lokali i Qolëve vinin politikanë dhe ministra! Ndërhynë për të më nxjerrë nga burgu

I penduari Nuredin Dumani dhe godina e GJKKO-së

Nuredin Dumani ka vijuar edhe këtë të enjte të flasë para togave të zeza dhe para të pandehurve në procesin e dosjes ‘Plumbi i Artë’. 

Me dyert të mbyllura, bashkëpunëtori i drejtësi zbuloi detaje për të tjera episode kriminale, ndërsa i ashpër ka vijuar gjithashtu kundëreagimi  dhe përplasjet me disa prej të pandehurve dhe avokatëve të tyre mbrojtës. 

Dumani është shprehur se me Festim dhe Petrit Qolin, nën akuzë për vrasje si grup i strukturuar kriminal, është bërë mik pasi ata paguan avokatin dhe kanë ndërhyrë në sistemin e drejtësisë për ta nxjerrë nga burgu, me një raport mjekësor si i sëmurë.

Po ashtu ai ka konfirmuar se vendtakimi me ta ishte shpesh lokali i Qolëve, ku thotë se vinin politikanë e ministra, edhe pse s’ka përmendur emra. Petrit Qoli, i cili në seancën e kaluar tha se po e lënë në burg pa të drejtë, duke ja mohuar të takojë dashurinë e jetës, këtë të enjte ai tha se do lutet edhe për prokurorët, pasi i konsideronte si pjesë e familjes.

Ndërsa Gentian Sharra ka kundërshtuar dëshminë e Dumanit, ku ky i fundit e implikoi në një ngjarje kriminale, por që në dëshminë paraprake nuk e ka përmendur këtë episod. Seancat ku ka dhënë dëshminë bashkëpunëtori i drejtësisë  zhvillohen më dyer të mbyllura, pas kërkesës së një prej prokurorëve të çështjes, kërkesë që u miratua nga gjykata, megjithëse u kundërshtua nga avokatët mbrojtës.

Në procesin “Plumbi i artë”, përveç Nuredin Dumanit janë edhe dy bashkëpunëtorë të tjerë të drejtësisë, Skerdi Tase dhe Erjon Alibej. 

Ata kanë pranuar të tregojnë ngjarje kriminale të kryera prej tyre, në bashkëpunim me të akuzuar të tjerë.

A.Q/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49