POP 5

Lajmet më të lexuara të 5 minutave të fundit

Kronikë

Gjyqtarët  Broci e Haxhialushi
Dy anëtarët e rinj të KLD-së

Artan Broci dhe Astrit Haxhialushi janë dy anëtarët e rinj të Këshillit të Lartë të Drejtësisë, të cilët u zgjodhën sot nga kolegët e tyre gjatë zhvillimit të Konferencës Gjyqësore Kombëtare, për një mandat pesë vjeçar pranë këtij institucioni.
TIRANE - Gjyqtarët e Gjykatës së Apelit në Tiranë  Artan Broci dhe Astrit Haxhialushi janë dy anëtarët e rinj të Këshillit të Lartë të Drejtësisë, të cilët u zgjodhën sot nga kolegët e tyre gjatë zhvillimit të Konferencës Gjyqësore Kombëtare, për një mandat pesë vjeçar pranë këtij institucioni.

Artan Broci, gjyqtar i Gjykatës së Apelit Tiranë, mori 201 vota, ndërsa limiti për këtë post ishte 200 vota.

Pasi fitoi votat e mjaftueshme për t'u zgjedhur anëtar i KLD-së, Artan Broci u shpreh për mikrofonin e televizionit A1Report se “pika e orientimit të gjithë tupës gjyqësore duhet të jetë të kthejmë besimin e gjyqtarëve në KLD, në sistemin e meritave dhe karrierës."

“Unë besoj se votimi i sotëm tregon për vlerësimin që gjyqtarët kanë pasur në punën time dhe kjo do të jetë objektivi, në rritjen e performancës dhe besimit të gjyqtarëve dhe anëtarëve te Këshilli i Lartë i Drejtësisë”, tha për Tv A1Report, anëtari i r ii KLD-së, Artan Broci.

Për shkak se në votimin e parë kandidati Haxhialushi nuk mori dot limitin e votave por vetëm 182, u bë një votim i dytë mes tij dhe kandidates tjetër e cila kishte më shumë vota se të tjerët, Zegjine Sollaku me 118 vota, nga Gjykata e Apelit Tiranë.

Në një prononcim për televizionin A1Report, menjëherë pas zgjedhjes në postin e anëtarit të Këshillit të Lartë të Drejtësisë, Haxhialushi shprehu vlerësim për kandidaturat e tjera ndërsa e cilësoi një “konkurim transparent. Ai theksoi se sistemi i drejtësisë duhet të jetë i shëndoshë.

Anëtarët e rinj të Këshillit të Lartë të Drejtësisë zëvendësojnë dy gjyqtarët, të cilëve u mbaroi mandati, Dhurata Haveri dhe Shkëlqim Miri.

Konferenca Gjyqësore e thirrur nga Kryetarja e Gjykatës së Lartë, Shpresa Becaj, dje pati mbledhjen e saj të parë ku i pranishëm ka qenë dhe Presidenti i Republikës në cilësinë e kryetarit të Këshillit të Lartë të Drejtësisë Bujar Nishani.

KANDIDATET E TJERE NE VOTIM ISHIN

Dhimitër Lara - Gjykata e Apelit për Krime të Rënda
Lefter Jahaj - Gjykata e Apelit Tiranë
Agron Papajani - Gjykata e Apelit Tiranë
Sokol Binaj - Gjykata e Apelit për Krime të Rënda
Zegjine Sollaku - Gjykata e Apelit Tiranë

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46