KPA ka lënë në fuqi shkarkimin nga detyra të gjyqtares së Gjykatës së Rrethit Gjyqësor Pukë, Flutura Hoxha.
Komisioni i Pavarur i Kualifikimit shkarkoi nga detyra gjyqtaren e Gjykatës së Rrethit Gjyqësor Pukë, Flutura Hoxha, më 25 shkurt 2022, pasi konstatoi mosdeklarim dhe mungesë të burimeve për pasuritë e prindërve.
Gjyqtarja bëri ankimin të vendimit të KPK, pas shkarkimit nga detyra, por ky vendim është lënë në fuqi nga KPA.
“Trupi gjykues i Kolegjit të Posaçëm të Apelimit, në përfundim të gjykimit në dhomë këshillimi, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Lënien në fuqi të vendimit nr. 513, datë 25.02.2022 të Komisionit të Pavarur të Kualifikimit, që i përket subjektit të rivlerësimit Flutura Hoxha”, thuhet në vendim.
