Gjyqtarja polake kundërshton ligjin për uljen e moshës së pensionit

Udhëheqësja e Gjykatës Supreme në Poloni ka kundërshtuar ligjin kontravers, i cili ka ulur moshën e daljes në pension të gjyqtarëve. Malgorzata Gersdorf, ka arritur në gjykatë në Varshavë, e rrethuar nga qindra mbështetës duke thënë se:

 Prezenca ime këtu nuk është rreth politikës, unë jam këtu për të mbrojtur sundimin e ligjit.

Gjyqtarja Malgorzata Gersdorf

Gersdorf, 65 vjeçare, i është kërkuar të japë dorëheqje, mirëpo ajo ka insistuar se sipas Kushtetutës, ajo duhet të mbetet në postin që mban deri më 2020. E njohur si kritike e partisë në pushtet, Ligji dhe Drejtësia (Pis), Gersdorf, i ka cilësuar si “spastrim” reformat, sipas së cilave gjyqtarët duhet të pensionohen në moshën 65 vjeçare dhe jo kur ata t’i mbushin të 70-at.

LEXO EDHE:
VIDEO/ Grushti fatal e plas në tokë, ish-portieri i Chelsea humbje të dhimbshme në MMA

Ndërsa Bashkimi Evropian ka nisur veprim ligjor kundër Qeverisë Polake më herët gjatë kësaj jave, duke thënë se legjislacioni rrezikon pavarësinë e gjyqësorit. Mirëpo Qeveria e krahut të djathtë, ka thënë se reformat janë të nevojshme për të luftuar korrupsionin dhe reformimin e sistemit gjyqësor.

Ndërkohë kryeministri, Mateusz Morawiecki, ka mbrojtur ndryshimet në Parlamentin Evropian më 4 korrik, duke thënë se “secili shtet i BE-së, ka të drejtë të zhvillojë sistemin gjyqësor në bazë të traditave që ka shteti përkatës”. Ndryshimet janë kundërshtuar përmes protestave në disa qytete polake më 3 korrik.

TAG:
• poloni
• Malgorzata Gersdorf
• ligji i pensionit

Sondazhi i ditës:

Si i vlerësoni mesazhet që dha Rama në takimin me diasporën në Athinë?

• Të duhura

  83.4%

• Të gabuara

  11.5%

• Nuk e di

  5.1%

Vota total: 5064

• Sondazhi i ditës:

  Si i vlerësoni mesazhet që dha Rama në takimin me diasporën në Athinë?

  Të duhura Të gabuara Nuk e di