Goditet me thikë në autobusin e shkollës, humb jetën 15-vjeçarja në Londër! Arrestohet një adoleshent

Një ngjarje e rëndë ka ndodhur në Londër, ku një 15-vjeçarë ka humbur jetën pasi u godit me thikë në autobusin e shkollës. Policia ka arrestuar një adoleshent pa dhënë detaje se kush është personi i arrestuar dhe se çfarë lidhje kishte me vajzën.

Policia britanike ka mbërritur menjëherë në vendngjarje sapo ka marrë informacionin e parë për incidentin e ndodhur në autobusin që transportonte adoleshentët për në shkollë mëngjesin e sotëm Wellesley Road në Croydon, në jug të Londrës.

Pavarësisht përpjekjeve të oficerëve të policisë dhe Shërbimit të Ambulancës në Londër, fatkeqësisht adoleshentja ka ndërruar jetë në vendngjarje, raporton Daily Mail.

Mediat britanile raportojnë se ajo është adoleshentja e gjashtëmbëdhjetë e vrarë në kryeqytet këtë vit, 13 prej të cilëve u goditën me thikë. Gjithsej 14 adoleshentë u vranë në Londër në vitin 2022. Një rekord prej 30 adoleshentësh u vranë në vitin 2021.

Pas kësaj ngjarjeje Kryebashkiaku i Croydon, Jason Perry, shkroi disa fjalë për ngjarjen në platformën dixhitale X (ish-Twitter), i cili tha se ishte i shkatërruar dhe se ishte në kontakt me policinë për çdo detaj të ri.

“Jam i shkatërruar kur dëgjova se vajza adoleshente që u godit me thikë në qendër të qytetit mëngjesin e sotëm, ka vdekur tragjikisht.Këshilli është në kontakt me policinë dhe do të mbështesë plotësisht hetimet e tyre. Ngushëllime familjes dhe miqve të viktimës dhe gjithë komunitetit tonë”, shkroi Perry.

S.S/Shqiptarja.com

TAG:
• vrasje
• Britani e Madhe