POP 5

Lajmet më të lexuara të 5 minutave të fundit

Kronikë

Goditi me sende të forta të atin dhe tha se u plagos në punë! Detaje nga ngjarja në Korçë: Djali sherr me babanë për lekët e bizneseve

U vetëdorëzua në policinë e Korçës djali 24 vjeçar që plagosi me sende të forta babanë e tij. Burime për Report Tv thonë se sherri në familje nisi për ndarjen e parave që familja fiton nga disa biznese që zotëron.

E pati të rëndë të pranojë se fshihej pas plagosjes së babait të tij. Edhe familja fillimisht e raportoi ngjarjen aksidentale, si plagosje gjatë punës. Por hetimet e policisë, zbuluan se 52-vjeçari nga Korça Adriatik Kabashi ishte plagosur me sende të forta nga djali i tij 24-vjeçar, Adrieli.

Të afërmit nuk dinë të thonë një motiv përse ndodhi kjo situatë e shëmtuar brenda familjes, por shprehen për mikrofonin e Report Tv, se i riu është penduar, dhe është vetëdorëzuar në komisariat.

“Erdhi këtu duke qarë tek gjyshja. E pyesnim çfarë ke. Më pas iku me një shok dhe vajti u dorëzua vetë”- u shpreh i afërmi.

Burime për Report Tv thonë se sherri në familje nisi për ndarjen e parave që familja fiton nga disa biznese që zotëron.

Për fqinjët, rasti i ndodhur duket i pa besueshëm, sepse i konsiderojnë familje “shembullore”

“Unë i njoh për njerëz të mrekullueshëm, jo se kam frikë të them por janë të përsosur”- tha një prej fqinjëve.

24-vjeçari tashmë i arrestuar, do të përballet me akuzën për dhunë në familje, Ndërsa babai i tij Adriatik Kabashi është transportuar në Tiranë për mjekim të specializuar

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Zgjedhjet 2025/ Begaj: I kënaqur që faktori politik u përfshi si drejtpërdrejtë, ashtu dhe tërthorazi! Kthejini zgjedhjet e pranverës së ardhshme në histori suksesi

Zgjedhjet 2025/ Begaj: I kënaqur që faktori politik u përfshi si drejtpërdrejtë, ashtu dhe tërthorazi! Kthejini zgjedhjet e pranverës së ardhshme në histori suksesi

25 Nëntor, 14:18