Një i burgosur në burgun e Drenovës është vendosur nën masa të mbikëqyrjes së veçantë për tre muaj pasi ka goditur me grusht një të dënuar tjetër. Për këtë shkak, ai u dërgua në dhomën e izolimit. I dënuari pretendon se është lidhur në krevat me pranga dhe zinxhirë për 6 ditë. Rasti është hetuar nga Komiteti Shqiptar i Helsinkit pas ankesës që i ka ardhur nga vetë i dënuari.
“Ndaj meje është marrë një masë e padrejtë. Është vendosur masa e mbikëqyrjes së veçantë për tre muaj. Më kanë lidhur në krevat me pranga dhe zinxhirë 6 ditë. I kam të shënuara dhe oraret”, ka thënë i dënuari në ankesë.
Një një grup vëzhguesish në përbërjen e të cilit edhe një mjek janë ngarkuar për të bërë verifikime. Sipas raportit i dënuari me vendimin e Komisionit të Vlerësimit të të dënuarve pranë Drejtorisë së Përgjithshme të Burgjeve, në bazë të nenit 68/1 gërma “a” të ligjit nr. 81/2020 “u kalua në regjimin e mbikëqyrjes së veçantë, për një periudhë 3 mujore që fillon nga data 31.08.2023 ora 12:30”.
Sipas kartelës mjekësore i burgosuri vuan nga “çrregullime të personalitetit kufitar” dhe mjekohet me ilaçe qetësues dhe antidepresivë. Por a është i ligjshëm ky vendim ndaj tij? A mund të caktohej një masë më e lehtë?
I dënuari në takimin me grupin e monitorimit deklaroi se është mbajtur në krevat i lidhur me zinxhirë dhe pranga fikse 48 orë. Shtetasi i pohoi vëzhguesve se nga dëshpërimi, shqetësimi dhe trajtimi i keq, ka ngrënë copa xhami.
Stafi i IEVP lejoi ekipin e vëzhguesve që të shikonte në kolonë (vendi ku qëndrojnë punonjësit e policisë gjatë kryerjes së shërbimit) të varur në mur, dy pranga fikse me ngjyrë të zezë, të cilat kishin pjesën që izolon dorën dhe një krah deri 25 centimetra, një zinxhir dhe në një kthinë, një skafandër të zezë, mbi të cilën kishin mbetur vetëm gërmat “…ICIA”, që dukej se ishte një skafandër e policisë. I dënuari ka thënë se këto ishin mjetet me të cilat ishte mbajtur i lidhur.
Lidhjen e të dënuarit me zinxhirë e pohuan mjeku, drejtori dhe përgjegjësi i edukimit të IEVP-së, duke e justifikuar si masë parandaluese që të mos dëmtonte veten , por mohuan që ai të jetë mbajtur i lidhur për 6 ditë. Për këtë veprim nuk dispononin asnjë dokument (Procesverbal). Madje mjeku paraprakisht nuk ishte vënë në dijeni për këtë masë, as që e kishte vizituar, madje i pyetur nga grupi monitorues ai pohoi se e kishte parë të dënuarin të lidhur në krevat.
Lajme të tjera
-
Korça 'mbulohet' nga bora! Disa fshatra pa energji elektrike
23 Nëntor, 12:42 -
Maliq/ Zjarri shkrumbon banesën, shkak dyshohet shkëndija elektrike! Dëme të shumta materiale, s’ka të lënduar
21 Nëntor, 18:26 -
Korçë, 13 vjeçari shkon në shkollë me biçak, ia gjejnë në çantë
21 Nëntor, 12:01 -
Korçë/ Sherr mes fëmijëve në Bulgarec gjatë lojës së futbollit! 12 vjeçari goditet me gur dhe përfundon në spital
19 Nëntor, 16:32 -
Nis puna për rilindjen e Muzeut Arkeologjik të Korçës, restaurim total i godinës, pa prishur vlerat historike
19 Nëntor, 15:53 -
Sot dita ndërkombëtare e të drejtave të fëmijëve/ Të rinjtë marshojnë në Maliq: Na mbroni
19 Nëntor, 15:35 -
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41 -
Fotografët grekë të “False mirror” turne fotografik në rrugicat e Korçës
18 Nëntor, 16:56
-
Bora e parë zbardh Korçën, të huajt dynden drejt Dardhës, Voskopojës dhe Vithkuqit! Turisti nga Brazili: Vij çdo vit për ski
17 Nëntor, 15:57
-
Korçë/ Kapet me 3 kg kanabis, lëndën narkotike e kishte fshehur në motorin e makinës! Arrestohet 32-vjeçari
17 Nëntor, 08:56 -
Aksident i rëndë në Maliq, furgoni përplaset me makinën! 7 të plagosur, njëri dërgohet te Trauma (VIDEO)
17 Nëntor, 07:56 -
Fundjavë e pazakontë, borë dhe plazh në mesnëntori! Në Vlorë më të guximshmit bëjnë not, zbardhet Dardha e Korçës
16 Nëntor, 13:30
