MADRID - Të enjten në stadiumin 'Metropolitano' Atletico Madridi i dha një leksion Barcelonës duke e mposhtur me rezultatin 4-0 në gjysmëfinalen e parë të Kupës së Mbretit. Djemtë e Diego Simeones e dominuan takimin duke i shënuar të katërt golat në pjesën e parë. Nga ana tjetër Barcelona e mbylli sfidën me një lojtar më pak, pas daljes me karton të kuq të Eric Garcias pesë minuta para fërshëllimës finale.

NDESHJA - Atletico Madridi e nisi ndeshjen mirë dhe kaloi në epërsi pas gjashtë minutash. Një top i kthyer pas nga mbrojtësi Eric Garcia nuk u kontrollua mirë nga portieri Joan Garcia dhe sfera përfundoi në rrjetë. Në minutën e 14-të duhej Antoine Griezmann për golin e dytë të 'Los Colchoneros', ndërsa Ademola Lookman shënoi golin e tretë pas asistit të Alvarez.

Makthi i Barçës nuk kishte përfunduar, pasi në shtesën e dytë të pjesës së parë Julian Alvarez shënoi edhe golin e katërt për vendasit, në një mbrëmje që nuk do harrohet.

Fraksioni i dytë solli golin e nderit për katalanasit, por realizimi i Cubarsit u anulua për pozicion jashtë loje. Kështu, në sfidën e kthimit më 3 mars në 'Camp Nou' Atletico Madridi udhëton me katër gola avantazh dhe duket me një këmbë në finalen e Kupës së Mbretit.

Në përballjen tjetër, Real Sociedadi fitoi 0-1 në fushën e Athletic Bilbaos. Sfida e kthimit luhet më 4 mars në 'San Sebastian'.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Mars, 21:56

    Mendoni se ndryshimet në Ekzekutiv do përmirësojnë qeverisjen e vendit?

Lajme të tjera