Serie A e futbollit në Itali mbylli të martën në mbrëmje raundin e 23-të. Në stadiumin 'Renato Dall'Ara' vendasit e Bolognas u mposhtën 0-3 nga Milani dhe shohin humbjen e tretë radhazi duke humbur kontaktet me zonën evropiane.

Ndeshja që në nisje foli për kuqezinjtë, teksa rezultati u zhbllokua pas 20 minutave lojë me golin e Loftur-Cheek. Anglezi mori një asist nga Rabiot dhe 'tundi rrjetën'. Në fundin e pjesës së parë, konkretisht në të 39 minutë ishte Nkunku që u tregua i saktë nga pika e 11 metërshit për golin e dytë dhe të qetësisë te Milani.

Nisja e fraksionit të dytë solli edhe golin e tretë për kuqezinjtë, këtë herë me Rabiot në minutën e 48-të. Francezi po tregohet deçiziv për të besuarit e Allegrit duke shënuar dhe asistuar sërish.

Me këtë sukses Milani mbetet në vendin e dytë, por ngjitet në kuotën e 50 pikëve, pesë më pak se Interi kryesues. Ndërkohë Bologna pas tre humbjeve radhazi e sheh veten në pozitën e dhjetë me 30 pikë.

Ndeshjen e radhës Milani e luan jashtë fushe kundër Pisas (13 shkurt), ndërsa Bologna pret Parmën.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera