STAMBOLL, Turqi - Fenerbahce fitoi 5-2 kundër Feyenoord në sfidën e kthimit për turin e tretë kualifikues të Champions League. Tanimë skuadra e Mourinhos gjen në play-off ekipin e Benficas.

Ekipi i Mourinhos kishte humbur 2-1 në Holandë dhe ndeshjen në stadiumin e vet e nisi "malore", pasi pësoi gol në minutën e 41-të nga Uatanabe. Turqit "u zgjuan" dhe përmbysën ndeshjen me Brwun dhe Duran brenda pjesës së parë, duke bërë që ekipi të futej në dhomat e zhveshjes me besim.

Fraksioni i dytë pa Fenerbahcen më agresive duke gjetur golin e tretë me Fred. Në minutën e 83-të En Nesyri shënoi golin e katërt për të besuarit e Mourinhos, para se i përhershmi Uatanabe të shënonte sërish për holandezët.

Në shtesën e pestë të ndeshjes ishte Talisca që "vulosi" ndeshjen 5-2 me golin e tij. Në këtë mënyrë Fenerbahce eliminon Feyenoordin dhe gjen Benficën në play-off, me ndeshjet që luhen më 20 dhe 27 gusht.

Champions League, ndeshjet e kthimit të raundit të tretë kualifikues:

Qarabag 5-1 Shkëndija

FC Copenhagen 5-0 Malmo

Fenerbahce 5-2 Feyenoord

Pafos 2-0 Dinamo Kyiv

Plzen 2-1 Rangers

Club Brugge 3-2 Salzburg

Ferencvaros 3-0 Ludogorets

Slovan Bratislava 1-1 Kairat Almaty

Benfica 2-0 Nice

Crvena zvezda 1-1 Lech Poznan

Ndeshjet e raundit play-off:

Ferencvaros - Qarabag

Crvena zvezda - Pafos

Bodo/Glimt - Sturm Graz

Celtic - Kairat Almaty

Basel - FC Copenhagen

Fenerbahce - Benfica

Rangers - Club Brugge

GOLAT/ Fenerbahce 5-2 Feyenoord

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si po e menaxhon qeveria situatën e përmbytjeve?

Lajme të tjera