Serie A e futbollit në Itali mbylli mbrëmjen e të hënës raundin e 29-të. Në stadiumin 'Giovanni Zini' vendasit e Cremoneses u mposhtën 1-4 nga Fiorentina. Miqtë nga Firenze dominuan duelin e mbijetesës dhe për momentin kanë lënë zonën e ftohtë të renditjes.

Ndeshja nisi me kujdesin e dy skuadrave për të mos pësuar, por Fiore u tregua më e saktë duke gjetur dy herë rrugën e rrjetës brenda pjesës së parë. Djemtë e Paolo Vanolit gjetën epërsinë me autor Fabiano Parisin në minutën e 25-të, ndërsa Roberto Piccoli dyfishoi shifrat në minutën e 32-të.

Edhe fraksioni i dytë ishte me të njëjtën 'melodi', pasi Dodo shënoi golin e tretë për miqtë. Më pas Cremonese shkurtoi me David Okereke në minutën e 57-të, por Albert Gudmundsson shënoi golin e katërt në minutën e 70-të për të 'vulosur' shifrat 1-4.

Me 28 pikë Fiorentina ngjitet në vendin e 16-të, ndërsa Cremonese merr humbjen e katërt radhazi dhe me 24 pikë mbetet në vendin e 18-të.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera