Lazio dhe Atalanta i kanë lënë llogaritë e hapura për biletën drejt finales së Kupës së Italisë. Në sfidën e parë gjysmëfinale mes tyre të luajtur të mërkurën në 'Olimpioco', tabela në fund regjistroi shifrat 2-2.

Pjesa e parë e ndeshjes u mbyll pa gola, paçka se miqtë shënuan me Krstovic në minutën e tetë, por VAR anuloi gjithçka për pozicion jashtë loje. Spektakli ishte lënë për në fraksionin e dytë ku u shënuan katër gola. Ishte Lazio që gjeti golin e epërsisë në minutën e 47-të me Dele-Bashiru, para se Pasalic të barazonte vetëm katër minuta më vonë.

Fundi i ndeshjes ishte dramatik pasi solli dy gola të tjerë. Dia kaloi sërish Lazion në epërsi në të 87 minutë, por Musah barazoi dy minuta më vonë për rezultatin final 2-2. Te Atalanta në stol gjatë gjithë ndeshjes qëndroi Berat Gjimshiti.

Më 22 prill në Bergamo do luhet ndeshja e kthimit mes tyre, teksa një nga skuadrat do kalojë në finalen e Kupës së Italisë, ku do përballet me fituesin e çiftit Inter - Como.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera