Serie A e futbollit në Itali nisi të premte me raundin e 13-të. Como shënoi fitoren e gjashtë sezonale duke mposhtur 2-0 Sassuolon. Në stadiumin 'Giuseppe Sinigaglia' vendasit e kthyen në festë, duke shënuar që pas 14 minutash me Douvikas.

Pjesën e parë shkëlqeu edhe Nicolas Paz, fantazisti i Comos që ishte pranë një supergoli me roveshatë, por u ndal nga shqiptari Aro Muric, me këtë të fundit që u vlerësua me notën 8.0 si ndër më të mirët e sfidës.

Paçka formës së mirë, Muric nuk e ndali dot veteranin Alberto Moreno, i cili shfrytëzoi pasimin e 'ëmbël' të Paz dhe në minutën e 53-të vulosi shifrat në 2-0. Me 24 pikë pas javës së 13-të, Como mban për momentin vendin e gjashtë në renditje, me rivalët që kanë nga një ndeshje më pak.

Serie A vijon sot me katër ndeshjet e radhës. Në 15:00 luhet Genoa - Verona, po ashtu edhe Parma - Udinese. Në orën 18:00 radha e Juventusit, që pret Cagliarin në Torino. Mbrëmja kulmon me duelin Milan - Lazio në 'San Siro'. Tare sfidon ish-ekipin ku u bë i famshëm si drejtor sportiv.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera