Serie A e futbollit nisi të premte (9 maj) raundin e 36-të. Në "San Siro" skuadra e Milanit përmbysi 3-1 Bolognan dhe siguroi tri pikë me shumë vlerë në garën për një vend në Evropë, pasi miqtë janë rivali direkt.

Pjesa e parë në Milano u mbyll pa gola, për t'i lënë vend spektaklit të ofruar në fraksionin e dytë. Ishte Orsolini i miqve që në minutën e 49-të shënoi golin e parë të ndeshjes, për të kaluar Bolognan në epërsi.

Me minutat që kalonin u duk se Milani u dorëzua, por Gimenez në të 73' vendosi ekuilibrat në 1-1. Vetëm gjashtë minuta më vonë Pulisic gjeti golin e dytë për kuqezinjtë, para se sërish Gimenez në shtesë të "vuloste" shifrat për 3-1.

Me tre fitore radhazi si aperitiv për finalen e Kupës së Italisë që luhet mes dy skuadrave të mërkurën në "Olimpico", Milani e tregoi forcën dhe me 60 pikë ngjitet në vendin e tetë, tre pikë më pak se Lazio që ndodhet në zonën evropiane. Juventus, Roma dhe Lazio që kanë nga 63 pikë kanë një ndeshje më pak, me Juven dhe Lazion që kanë një përplasje direkte sot në orën 18:00.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • E DREJTA: 10/05/2025 12:00

    BBILAN ME DYLBI DO TA SHIKOI EUROPEN...KISMET VITIN TJETER

    Përgjigju
  • Sondazhi i ditës: 17 Qershor, 07:43

    Mendoni se rinumërimi i 44% të kutive të votimit do ndryshojë rezultatin?

Lajme të tjera