ITALI - Futbolli elitar italian, Serie A, mbylli mbrëmjen e të hënës raundin e 13-të. Në stadiumin 'Renato Dall'Ara', vendasit e Bolognas u mposhtën 1-3 nga Cremonese. Miqtë bënë surprizën dhe deçiziv ishte veterani Jamie Vardy me dy gola.

Cremonese u fut në fushë me më shumë besim dhe gjeti golin e parë me Martin Payero pas 31 minutash lojë, para se Jamie Vardy të shënonte golin e dytë vetëm katër minuta më vonë. Në fundin e pjesës së parë, Riccardo Orsolini shkurtoi shifrat për 1-2 duke u treguar i saktë nga pika e penalltisë.

Me nisjen e fraksionit të dytë të ndeshjes, konkretisht në minutën e 50-të, Jamie Vardy tregoi se është një 'dhelpër' e vjetër para portës, duke shënuar golin e tretë për Cremonesen. Për një muaj sulmuesi anglez mbush 39 vjeç, por mosha për të është thjesht një numër pasi në sezonin e parë në Serie A ka gjetur deri tani katër herë rrugën e rrjetës në nëntë takime.

Me këtë sukses Cremonese ngjitet në kuotën e 17 pikëve për vendin e 11-të, ndërsa Bologna me 24 pikë mban vendin e gjashtë. Milani dhe Napoli kryesojnë renditjen me 28 pikë, ndjekur nga Interi dhe Roma me 27 pikë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera