ANGLI - Premier League e futbollit mbylli të hënën raundin e 32-të. Në 'Old Trafford' vendasit e Manchester United u mposhtën 1-2 nga Leeds, për surprizën e madhe. Leeds nuk fitonte në shtëpinë e Man. United prej vitit 1981 në kampionat, ndërsa në FA Cup e kanë bërë në vitin 2010.

Ndeshja nisi mirë për djemtë e Daniel Farke të cilët kaluan në epërsi pas vetëm pesë minutave lojë me golin e Noah Okafor. Ish-futbollisti i Milanit u pa në formë të shkëlqyer dhe shënoi sërish në minutën e 29-të golin e dytë personal dhe të dytin për Leeds.

Përveç dy golave të pësuar, Manchester United u shokua në minutën e 56-të kur Lisandro Martinez doli nga fusha me karton të kuq direkt duke lënë 'Djajtë' me dhjetë vetë në fushë. Në minutën e 69-të një pasim i Bruno Fernandes u shfrytëzua mirë nga Casemiro, me brazilianin që shkutoi shifrat për 1-2.

Paçka sulmeve nga vendasit, Leeds mbijetoi dhe mori tri pikë në fushën e Man. United; gjë që nuk ndodhte prej 45 vitesh.

Me 55 pikë Man. United mbetet në vendin e tretë të renditjes, me pikë të barabarta me Aston Villan që ndodhet në pozitën e katërt. Leeds United me 36 pikë ngjitet në vendin e 15-të, gjashtë pikë mbi zonën e mbijetesës.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Prill, 11:13

    Samiti i Diasporës, mendoni se është bërë mjaftueshëm për shqiptarët jashtë?

Lajme të tjera